Sheila Barth Stanford (), frå 2005 til 2019 Sheila Barth Sahl, er ein norsk sjakkspelar og sjakktrenar, og Noregs andre kvinne-IM i sjakk (WIM).
Sheila Barth Stanford vaks opp i Moss, men har sidan budd i Oslo. Ho har vore rangert som ein av Noregs beste kvinnelege sjakkspelarar sidan 1990-talet. Ho har rekorden for flest landslagsparti i sjakk for Noreg uansett kjønn. Ho har mellom anna deltatt for Noreg i sjakk-OL 12 gongar, og i EM for lag 3 gongar. Sheila Barth Stanford blei utnemnd til æresmedlem i Norges Sjakkforbund på sjakkforbundet sin kongress 4. juli 2021.
Sheila Barth Stanford blei tildelt tittelen Kvinne-IM i sjakk (WIM) for prestasjonen i sjakkolympiaden i Calviá i oktober 2004, der ho fikk 9,5 av 14 på tredjebord for Noreg i kvinneklassa.
I juni 2019 vann ho den nordiske meisterskapen i sjakk for kvinner.
Sidan 2014 har Stanford vore fulltids sjakktrenar.
Sheila Barth Stanford har vore gift med sjakkspelaren Bjarke Sahl, men er no gift med sjakkspelaren Maxim Barth Stanford.
Bakgrunnsstoff Sheila Barth Stanford si spelarside hos FIDE Sheila Barth Stanford sine sjakkparti hos chessgames.com
Kjelder
Kategori:Norske sjakkspelarar Kategori:Kvinne-IM i sjakk Kategori:Sjakkolympiadedeltakarar Kategori:Æresmedlemmar i Norges Sjakkforbund