Севилья, Sevilla — город на югу Испании, четвертый подля числа обывательства, вызнамный финанчный, културный и умѣлецкый центер, главный город провинции Севилья и автономной области Андалузия.
Полога Пристав Севилья, положеный на рѣцѣ Гвадалквивир около 80 км од Атлантичного океана, е единым в Испании рѣчным приставом, котрый принимать шифы морской плавбы.
Гесло "NO8DO" — официалне гесло Севильи, котре е на муниципалной заставѣ. Тото свого рода ребус, котрый по испанскы роскрывать ся в "No ma dejado" "Она (Севилья) мня не лишила". Подля легенды тото гесло даровав городу краль Алфонсо Х. за то, же мав подтримку од обывательох в тяжком моментѣ истории. В серединѣ ребуса е madeja — прядено вовны.Тота легенда была прията од середновѣку без особого обговореня, але в наш час суть авторы иншакого потолкованя того ребуса
История Подля легенды Севилью основав Геркул, тотожненый з феницийскым богом Мелкартом, котрый перейшов через Гибралтарскый пролив и заклав торговы мѣста, де теперь находять ся Севилья и Кадис.Leyendas de Sevilla. Археологичны роскопы односять найстаршу часть города ку 8. ст. до н. е. Феничане закладену ту колонию назвали Сефела («низина, ровнина»), Грекы тоту назву трансформовали на Испола, Римляне на Гисполис, арабска форма была Ишбилья, близка до днешной.Поспелов Е. М. Географические названия мира. Топонимический словарь. Издание второе, стереотипное. Москва. Русские словари, Астрель, АСТ. 2002, с. 377. В порѣчу Гвадалквивира жили в той добѣ иберийскы племена Тартешанох, котры мали свою изоловану културу и писмо, указуюче на вплыв Фениции и Египта.
Од року 206 до н. е. зоставать Севилья добыта Римлянами. В роках 712–1248 была в руках Маврох. В той добѣ ставать ся вызнамным центром торговлѣ и ремесел. 22. новембра 1248 Севилья была добыта испанскым войском, прилучена ку Кральовству Кастилия-ЛеонRévai nagy lexikona. и одтогды доднесь зоставать в испанской юрисдикции.
В 15-17. ст. Севилья была найвекшым в Европѣ торговым городом. За рокы 1504–1650 з того пристава одплыли 17 760 морскых лоди.Советская историческая энциклопедия. — М.: Советская энциклопедия . Под ред. Е. М. Жукова. 1973—1982.
З гавани Палос в приставѣ Севилья в року 1492 рушила перва експедиция Криштофа Колумба.УСЭС. В року 1519 з Севильи одплыв у путь доокола свѣту Фернандо Магеллан.
Днешность Севилья мать розвите машинарство, ливарство, продукцию стрѣлива, велику доганову фабрику, выраблять порцелан, чоколаду, мыло, корковы заткы, текстиль, продукты хемии и нафтохемии, склярства и папѣрництва.
Севилья мать едну з найстаршых универзит (1502). В року 1981 в Севильи отворив ся меджинародный аеропорт.
Взглядом на богату историю Севилья мать уникатну архитектуру, велике число културных и историчных памяток.
Жерела и одказы Révai nagy lexikona. 1-21. köt. Révai Testvérek Irodalmi Intézet Részvénytársaság, Budapest. 1911–1935. Том 16, сс.775-776. УСЭС: Украинский советский энциклопедический словарь в трех томах. / Кудрицкий А.В. и др. (ред.). Главная редакция Украинской Советской Энциклопедии им. М.П. Бажана. К., 1988. Том 3, с. 157. Севилья на сайтѣ Туризм в Испании Официалный сайт городской .администрации Leyendas de Sevilla – 5 Hércules y la fundación de Sevilla
Референции