Мадярске кральовство (друга назва: Угорске кральовство) ( Magyar Királyság) — назва европской мултинационалньой монархии, котра взникла в року 1000Révai nagy lexikona, том 13, сс. 228-263.Чопей Л., с.249. и екзистовала до року 1946 з еднов исторично куртов перерывков в роках 1918-1920, котра в тяжкых повойновых роках привела до живота нестабилны револучны режимы. По Трианонском мирном договорѣ 1920. року Мадярске кральовство обновило ся и продовжило свою историю еще до рока 1946, утративши 67% своей територииHistory / The Treaty of Trianon / Trianon-Statistics 56% обывательстваТрианонскый мирный договор и краля, котрого функцию одтеперь сповняв регент Миклош Горти.
История Взник кральовства Мадярске кральовство взникло в Карпатской котлинѣ року 1000 корунациов первого краля Штефана І. (1000-1038), котрым ся зачала 300-рочна династия Арпадовцьох. Было наступником Мадярского архикняжества, котрого послѣдным князьом быв Штефан І. (997-1000). Краль Штефан видѣв, же лем так може обстати меджи сосѣдскыма христианскыма державами, кедь прийме христианску вѣру и европску просвѣту.
Середновѣк В середновѣку Мадярске кральовство было еднов з найвекшых и найсилнѣйшых монархий Европы. 12. марца 1241 на Веречанскый переход пришла 500-тысячна монголска орда, котра 11. апрѣля при рѣцѣ Соленой побѣдила 65-тысячне мадярске войско и зачала грабовати и пустошити край, при тому половка обывательства стратила живот, або была одведена в рабство.
Найвекшого розсягу достало кральовство при Лайошу І. Великом (1342-1382), котрый добыв Молдавию, Сербию, Болгарию, Хорватию, Далмацию и Червену Русь, а Польща поставила го за свого краля (1370).Чопей Л., с. 293.
Нововѣк Нововѣк в Мадярском кральовствѣ зачав ся в знамени програной 29. августа 1526 битвы з Османами. Кральовство зостало роздѣлене на три части: западну, добыту Османсков империов, восточну, котра стала ся ей вазалом, и единку сѣверну, стѣснену приблизно до територии днешной Словакии, котра заховала независимость, з кральовскым сѣдлиском в Пожоню, де запановали Габсбургы. Австрийска династия усиловала ся выслободити територии, заяты Османами ай помалы добывала их, але выслободжены землѣ доставали ся под австрийску военску владу, котра притискала Мадярох. По выслободжѣню Будина на пожонском соймѣ року 1687 была скасована заключна статья Золотой Буллы, котра давала право духовным, воякам, земанам и магнатам повстати против краля. Неспокойность Мадярох вылляла ся в ослободителну войну (1703-1711), ведену князьом Ференцом ІІ. Ракоциом, активно подтриману Русинами. Русины мали на то причину, понеже австрийска кошицка фишкушова комора усиловала ся заставити их платити векшы данѣ, або выгнати з кральовства.Hodinka Antal, сс. 62-65. Але в той войнѣ побѣдила австрийска династия и в Угорской Руси многы села были спустошены австрийскым войском.Hodinka Antal, сс. 100-102. Аж по нецѣлых 180 роках (1718) кральовство вернуло собѣ територии, одняты впадом Османох.
По выгнаню Османох великы перемѣны настали при панованю Марии Терезии (1740-1780), она приключила темешску околицю, пристав Фиуме и 16 спишскых мѣст, одданых в залог еше кральом Жигмондом (1387-1438), створила Мукачовске епископство и основы русинского школства.Чопей Л., сс. 356-357.
Далша проба Мадярох вывольнити ся од австрийского панованя, подникнута в роках 1848-1849, была придушена з помочов России. Але Мадяре и дале домогали ся ровноправности и наконець 8. фебруара 1867 цѣсарь Франц Йозеф І. з мадярскыма штатниками догварив ся о створѣню парламентарной дуалистичной монархии, до котрой Мадярске кральовство вошло як часть з повнов внуторнов автономиев, над собов приявши лем владу императора, его суда, министерства загранича и военного.Австро-Мадярщина. //Encyclopaedia Britannica/ Нова штатна уния 14. новембра 1868 достала официалну назву Австро-Мадярщина.
20. стороча Австро-Мадярщина роспала ся в конци Первой свѣтовой войны. Император Австрии и послѣдный мадярскый краль Кароль IV. хоть не зрюк ся трона, але 11. новембра 1918 мусѣв подписати манифест, же уж не пануе и не справуе штатны дѣла, и одышов на емиграцию. На другый день во Вѣдню была выголошена Перва австрийска република.
16. новембра 1918 в Мадярском кральовствѣ была выголошена република з официалнов назвов Мадярска Людова Република, Magyar Népköztársaság, котрой инша назва Перва мадярска република, Első Magyar Köztársaság. Перва мадярска република екзистовала покы слѣдуюча за ньов переходна република не обновила Мадярске кральовство, отворивши путь до подписаня Трианонского мирного договора 4. юна 1920, де кральовство фигуруе яко субъект договора.
Република была обключена переважаючыма военныма силами Антанты, а ей влада одказала ся прияти их ултиматум. Тогды была тота влада зосаджена, а на ей мѣсто од 21. марца 1919 установила ся ведена комунистичнов владов Мадярска Совѣтска Република, Magyarországi Tanácsköztársaság. Комунистична влада готова была прияти хоть якый ултиматум, з ньов але Антанта не хотѣла ся догваряти и подписовати мирный договор, котрый бы означав вызнаня той влады. Комунисты продержали ся во владѣ 133 днѣ, до 1. августа 1919, а за тот час Антанта продовжовала однимати населены Мадярами територии. Под ударами Антанты комунистична влада упала, а наступна влада пропоновала вицеадмирала Миклоша Горти як регента, што было приято и отворило можность подписаня договора. Обновило ся Мадярске кральовство, але намѣсто краля пановником быв регент. В той формѣ штат екзистовав до конця Другой свѣтовой войны.
Наступницкы державы По розпадѣ Австро-Мадярщины по першой свѣтовой войны територия бывшого Мадярского кральовства была роздѣлена меджи тыма наступницкыма державами: Мадярщина – то, што зостало з ядра бывшой державы в новых границях. Чехословакия – зыскало територии днешной Словакии и Подкарпатской Руси (днесь Подкарпатя, Украина). Румыния – зыскало Трансилванию а часть Банату. Кральовство Сербох, Хорватох и Словенцьох (пак Югославия) – зыскало Хорватию, Славонию а Войводину. Австрия – зыскало Бургенланд. Польща – зыскало малы части на северѣ (Спиш а Орава).
См. тыж Трианонскый мирный договор Жерела и одказы Hodinka Antal: Утцюзнина, газдуство и прошлость южнокарпатськыхъ Русинувъ с. műve (Budapest, 1923) ruszin nyelvű változatának hasonmás kiadása. Nyíregyháza: Nyíregyházi Főiskola, 2000. Révai nagy lexikona. 1-21. köt. Révai Testvérek Irodalmi Intézet Részvénytársaság, Budapest. 1911–1935. Ласловъ Чопей. Водительна книга ко учѣню исторіѣ у народныхъ школахъ... Будапештъ. 1881.
Референции
Катеґорія:Заниклы монархии Европы Катеґорія:Мадярске кральовство Катеґорія:Штаты і теріторії, котры основаны 1000 Катеґорія:Штаты і теріторії, котры заникли 1918 Катеґорія:Штаты і теріторії, котры основаны 1920 Катеґорія:Штаты і теріторії, котры заникли 1946