Бардѣйо́вскы Ку́пели суть од 18. стороча вызнамным оздоровным, рекреачным и културным центром Словакии, административно суть частьов мѣста Бардѣйов, оддаленов од него на около 5 км, в затишной зонѣ, охраненой перед вѣтрами.
История Перва упоминка о бардѣйовскых жерелах «квасной воды», kyselkach, походить з року 1247 з листины краля Бейлы IV.Róbert Fico. Бардѣйовскы варощане поуживали тоты воды яко столовы.
В конци 17. ст. при жерелах была выбудована корчма, а в року 1767 бардѣйовскый магистрат дав выбудовати кабины з купельовыма кадями. Тот рок ся поважуе за рок зроджѣня Бардѣйовскых Купельох. Перву фахову анализу бардѣйовскых вод зробив професор Пал Китайбел, мадярскый ботаник и хемик, в року 1795 в Пештѣ, котрый дав магистратови информацию о вшиткых оздоровлюючых субстанциях, рекомендации ку хоснованю вод, проект окрасных паркох, ходникох и цѣлой организации утримованя купельох.
Купели во своей истории мали вызнамных навщѣвительох, меджи котрыма были царскы и цѣсарскы особы, о котрых припоминають памятны таблы на будовах и статуи в парках, музеалны експозиции.
Днешность В сучасности купели мають два жерела, доступны про каждого в парку, а еще 8 жерел, котры ся поуживають про оздоровны балнеологичны процедуры. Окрем санаторных будинкох (Астория, Дружба, Дукла, Гелиос, Озон), суть два готелы (Мир, Минерал), доступны про навщѣвникох, не потребуючых оздоровлѣня. Културны инштитуции: Музей людовой архитектуры (сканзен), народописна експозиция Вилла Ракоци, Музичный павилон, кино Жрѣдло.
Новый готел Александер давать вшиткы можности на организацию конференций, конгресох и розличных подобных згромаджѣнь.Официалный сайт. Про навщѣвникох, потребуючых тунше убытованя суть виллы и пензионы.Варункы лѣчѣня и побыту.
Жерела и одказы Róbert Fico. Bardejov, Bardejovské Kúpele. Grafická úprava: Fedor Vico. DATAPRESS Prešov, 1996. . Официалный сайт купельох Варункы лѣчѣня и побыту
Референции
Катеґорія:Купели Словакии Катеґорія:Окрес Бардеёв