Далмация, Dalmacija — исторична земля на восточном березѣ Ядрану, днесь переважно входить до Хорватии. В сучасности не представлять административну ентиту, а складать ся зоз четырьох жуп: Задар (170.017 особ, главный город Задар), Шибеник-Книн (109.375 особ, главный город Шибеник), Сплѣт-Далмация (454.798 особ, главный город Сплѣт), Дубровник-Неретва (122.568 особ, главный город Дубровник), довъедна 856 758 особ.
Землепис Далмация лежить меджи 44°45′ а 42°10′ сѣверной широкости, а меджи 14°45′ а 18°58′ восточной довгости. В историчной добѣ мала найвекшу розлогу 12 832 км2. Вытягнута вздовж берега на около 560 км, а найвекша ширина побережной смугы 74 км. До Далмации належать 20 векшых и около 100 меншых островох. Островы часто скалисты, проливы напоминають фйорды. Фауна и флора типовы про Середоморя.Révai nagy lexikona.Ottův slovník naučný.
История В 1. ст. Далмация была римсков провинциов, выдѣленов з векшой провинции Иллирия. Назва Далмация походить од Далматох, иллирского племена. В 4-5. ст. по смерти цѣсаря Диоклетиана, котрый быв родаком з Далмации и привюг ю до найвекшого росцвѣту, Далмация зачала терпѣти напады Готох, Аланох и Гунох, наконець цѣла Иллирия стала ся добычов Готох. Од 6. ст. была Далмация под владов Византии. Зачинають ся ту приселяти племена южных славянох.
За 6-7 вв. цѣла Далмация была занята Хорватами и Сербами (на югу),Далмация. лем морскы приставы зостали еще в руках Византии до 9 ст.
Мадярске кральовство зачало указовати интерес достати ся ку морю уже в конци 11 ст., а в зачатку 12. ст. краль Калман добыв Хорватию. Але о Далмацию не переставало суперѣня з Венециов.
В роках 1420-1797 Далмация, окрем Дубровника, была в руках Венеции, а внуторны землѣ в руках Османох. Подля миру в Кампо Формио (1797) Далмацию достала Австрия и мала ю до рока 1918 (выявши добу 1806-1814, коли Далмация была окупована Франциев). По роспадѣ Австро-Мадярщины од року 1918 Далмация, окрем Задара, заятого з еще даколькыма островами Италией, припала Кральовству Сербох, Хорватов и Словенцьох (од року 1929 — Кральовство Югославия).
Жерела и одказы Révai nagy lexikona. 1-21. köt. Révai Testvérek Irodalmi Intézet Részvénytársaság, Budapest. 1911–1935. Том 5, сс. 254-258. Ottův slovník naučný. Illustrovaná encyklopaedie obecných vědomostí. Díl 1–28. Vyd. J. Otto. V Praze, 1888–1909. Том 6, сс. 889-905. Далмация. //Большая Советская Энциклопедия.
Референции
Катеґорія:Историчны области Мадярщины Катеґорія:Историчны области Хорватии Катеґорія:Историчны области Австрии