Кла́вдия Кардина́ле, Claudia Cardinale; имя при роджѣню — Клод Жозефин Роз Кардинале, Claude Joséphine Rose Cardinale; (*15. апрѣль 1938, Ла Гулетта, Тунис – †23. септембер, 2025) — италиянска филмова актерка.
Биография Родила ся в Тунису, на тот час французском протекторату. Родина походила з Сицилии, але уже три генерации жили в Тунису, говорило ся в родинѣ по французскы.Helena Landovská
В року 1957 была признана найкрасшов Италиянков Туниса и зостала позвана на Венецийскый филмовый фестивал. Было ей понукнуто заграти во филмѣ, але не прияла и вернула ся дому, де ладила быти учительков. Але по шѣстьох мѣсяця продуцент пришов за ньов до Тунису и понукнув такый контракт, котрый уж не мож было не прияти. З цѣлов родинов: родичами, зоз сестров и двома братами одышли до Италии.Claudia Cardinale: Biography
Ей материнскым языком была французчина, так же еще в часѣ накручаня первого италианского филма (1958) Клаудия Кардинале мусѣла была научити ся свои репликы на память, не розумѣючи. Ей италиянчина была з моцным французскым акцентом, зато довго была дублована. Теперь говорить по французскы, италиянскы, английскы, испанскы и арабскы.
Грала во филмах славных италиянскых режисерох Лукино Висконти (Luchino Visconti) и Федерико Феллини (Federico Fellini). Заграла в около 150 филмах.
Од конця 1980-х жие в Парижу. Найлѣпше ей любить ся прозывка СС.
Е носительков ордена Честной легии вшиткых трьох ступни, французского найвысшого державного вызнаменаня и командантом и великодостойником ордена за заслугы про Италиянску републику.
Родина Франко Кристалди (муж 1966-1975, розведены) Датабаза International Movie. Патрик (неманжелскый сын, адоптованый Франком Кристалдим)Датабаза Notable Names. Пасквале Сквитьери (партнер 1975-2017†, подля контракта не могла ся оддати) Клавдия (дѣвка од Пасквале Сквитьери)
Жерела и одказы Helena Landovská. Claudia Cardinalová se s věkem netají. //Novinky.cz, 2004-05-13. Claudia Cardinalová v Česko-Slovenské filmové databázi Клавдия Кардинале в датабазѣ Notable Names Claudia Cardinale в датабазѣ IMDb Claudia Cardinale: Biography
Референции
Катеґорія:Филмовы артисты