Тройця — едно з головных христианскых свят, инша назва котрого Пятидесятниця, на Украинѣ познате як Зелены свята.УСЭС, с. 406. Тото свято не мать сталый датум, як и Великдень, з котрым споене, приходить ся о сѣм тыждни по Великодню. День, коли ся ославуе, называть ся Свята Недѣля.
Церковне наповнѣня Свято называть ся еще Пятидесятниця и дотыкать ся зойтя Святого Духа на апостолох в пятьдесятый день по воскресѣню Христовом. Тото зойтя Святого Духа на апостолох описав евангелиста Лукач. Пятидесятниця, циже пятьдесятый день по Великодню, подля Старого Закона е третий найвекшый христианскый праздник.Епископ Александр (Милеант).
Восточна Церковь славить во Святу Недѣлю зойтя Святого Духа и Святу Тройцю, Западна Церковь славить низпосланя Святого Духа на 50. день, а Пресвяту Тройцю на 57. день по Великодню.
РокТройця в Зап. ЦерквиТройця во Вост. Церкви20174. юна201820. мая27. мая20199. юна16. юна202031. мая7. юна202123. мая20. юна20225. юна12. юна202328. мая4. юна202419. мая23. юна20258. юна
Перед богослужбов на Святу Недѣлю на знак животворного оддѣйованя Духа Святого храм припараджують зеленьов и цвѣтами.
Людова традиция В русинской людовой традиции свято называть ся РусаляЖаткович Ю., с. 197. и поважуе ся за трете найвекше свято по Рождествѣ и Великодню.
Од Русаля зачинать ся лѣто. Назва Русаля походить од русалка: подля людовой повѣры коли зачинать ся лѣто, русалкы выходять з воды на берег, виють вѣнкы, спѣвають кариковы спѣванкы и зваблюють людей до свого подводного царства. Подля М. Шмайды у Русинох ся святкуе три дны: в пятницю рано жоны зберають зѣля «на девятьох меджах», з котрого давають и коровам, жебы было вельо молока, зберають росу, котров лѣчать очи; в суботу плетуть вѣнкы, ворожать, спѣвають и танцюють, парадять обыстя зеленыма голузками; на Святу Недѣлю ославы кулминують.Ковач Ф.
Тоты свята мають походжѣня поганске и Церковь их заказовала, але и наперек тому были ославованы.
З приходом христианства людове Русаля сплыло ся з церковным святом Тройцѣ.
Жерела и одказы Ю. Жаткович: Етнографическій очерк Угро-Русских. //Олег Мазурок: Юрій Жаткович як історик та етнограф. Ужгород: УжНУ, 2001. — 292 с. . Ф. Ковач: Зелені Свята, Русаля, Трійця. //Ковач Ф. и др. Краєзнавчий словник русинів-українців. Пряшівщина. СРУСР. Пряшів, 1999. . Сс. 147-148. УСЭС: Украинский советский энциклопедический словарь в трех томах. / Кудрицкий А.В. и др. (ред.). Главная редакция Украинской Советской Энциклопедии им. М.П. Бажана. К., 1988. Том 3. . Епископ Александр (Милеант): Праздник Святой Троицы — день сошествия Святого духа на Апостолов. //Православная энциклопедия «Азбука веры».
Референції
Катеґорія:Посувны святкы