Митрополит Лавр (родженый яко Василь Шкурла, , ; *1. януар 1928, Ладомирова, Словакия — †16. марец 2008, Джорданвилл, США) быв Первоиерарх Русской православной церкви в заграничу, митрополит Восточной Америкы и Ню Йорка.Metropolitan Laurus, Carpato-Russian religious leader. // .
Родина Василь Шкурла родив ся в моцно религийной родинѣ Михайла и Олены Шкурлох и уже од 5-рочного вѣку прилучив ся до религийного живота.M. Woerl: His Eminence Metropolitan Laurus (Vassily Skurla). Члены родины Шкурлох и доднесь жиють в краю и суть горды на свого суродника.
Духовна карьера В осени року 1944 православный Ладомировскый монастырь в Пряшовском краю быв майже зовсѣм збуреный при военных операциях. 14 монахы утѣкли и вступили до монастыря Святой Тройцѣ в Джорданвилл, штат Ню Йорк. Там они збудовали копию ладомировской церкви, основали печатню и од року 1947 продовжили выдавати новинку Православная Русь.Магочій П.Р.: Ладомирівський монастир.
З монахами утѣк и 16-рочный Василь Шкурла, котрый з дозволу родичох в року 1939 став ся новицием монастыря. Поступно ся выпрацовав на ректора Духовной академии в Джорданвилл, в року 1981 став ся архиепископом, а в року 2001 Первоиерархом Русской православной церкви в заграничу.Pravda, 18.03.2008.
В 1980-х роках монастырь Святой Тройцѣ в Джорданвилл став ся Мекков духовности про новый приток православных емигрантох до США, едным из свѣдчѣнь того е факт, же вызнамный челиста Мстислав Ростропович оселив ся в Джорданвилл, недалеко од монастыря.
Примирѣня Церков Русска православна церква в заграничу (РПЦЗ) мать около 400 парохий и 500 тысяч вѣрникох в 40 державах, котры суть потомками емигрантох, переважно з России, и была в конфронтации з Руссков православнов церквов (РПЦ, Московскый патриархат), котру одсуджовало за «колаборацию з болшевиками». РПЦЗ вшак высловльовала думку, же могла бы ся «вернути до отечества», коли упаде режим болшевикох. Од року 1990, по падѣ комунистичной системы, з инициативы РПЦ вели ся розговоры о злучѣню. Але реално то стало ся можным лем з приходом владыкы Лавра на чело РПЦЗ. 17. мая 2007 в Москвѣ подписаный акт О каноничной комуникации [ О каноническом общении, The Act of Canonical Communion]Руслан Кадрматов: Две в одной. lenta.ru, 17.05.2007The Act of Canonical Communion is signed. Загранична РПЦЗ зоставать цѣлком автономна, але в молебнах будуть споминати имя московского патриарха, а тыж будуть мусѣти достати затверджѣня з Москвы про свого нововыбраного Первоиерарха, а тыж ся радити в вопросах выбора голов членскых церков РПЦЗ.
Жерела и одказы Магочій П.Р.: Ладомирівський монастир. //Магочій П.Р., Поп І. (уклад.) Енциклопедія історії та культури карпатських русинів. Вид-во В.Падяка. Ужгород, 2010. — 856 c.+ХХХІІ с. Сс. 391-392. Pravda, 18.03.2008: Ruské pravoslávie zjednotil Slovák. Доступне онлайн Metropolitan Laurus, Carpato-Russian religious leader. // Encyclopaedia Britannica. M. Woerl: His Eminence Metropolitan Laurus (Vassily Skurla) Руслан Кадрматов: Две в одной / Русская православная церковь объединилась с "зарубежниками". // LENTA.RU, 17 мая 2007 Доступне онлайн The Russian Orthodox Church Outside of Russia: The Act of Canonical Communion is signed.
Референции
Катеґорія:Русиньскы єпіскопы Катеґорія:Православны епископы