Поток в школованю — роздѣлѣня ученикох подля их наданя ку науцѣ на групы во вшиткых предметах, або лем в окремых предметах и учебных програмах в школѣ.Gamoran, Adam (1992). Is Ability Grouping Equitable? //Educational Leadership, vol. 50(2) Система родила ся и переважно фунгуе в США.
Опис В потоковой системѣ школованя вшиткы ученикы ся роздѣляють на класы зависимо од их успѣшности, напримѣр на три: нормална успѣшность, успѣшность высше або ниже нормалной. Каждый предмет в таком припадѣ ся одповѣдно преподавать в трьох вариантах: спрощеный, нормалный и авансованый.
Авшак главный змысел потокового школованя не е лем в роздѣлѣню подля наданости, але в непрерывной контроли и динамичности.Slavin, R. E. (1987). Ability grouping: A best-evidence synthesis. Review of Educational Research, 57, 293–336. Ученик може быти во высшой групѣ з математикы, а едночасно в низшой групѣ з англицкого языка. Належность ку групѣ динамично вызначать учитель. Кедь видить, же ученик потребуе обновити свои знаня перед тым, як поступовати дале, може го послати в низшу групу, про дакотры лекции може злучити въедно вшиткы потокы, циже роздѣлѣня е динамичне. Роздѣлѣня подля наданости не фиксуе ся в индексѣ штудента.
История Потокове школованя и его розличны варианты в США суть практикованы уже майже стороча.Rubin, B. (2008). Detracking in Context: How Local Constructions of Ability Complicate Equity-Geared Reform. Teachers College Record. Retrieved from:
Оно зачало ся, коли ростуче число дѣтей емигрантох зачало ся записовати до школ в резултатѣ законох о повинном школованю, а были они неспособны учити ся так, як роджены Америчане. Нажаль, потокове школованя скоро набрало форму, подобну сегрегации.Wheelock, A. (1992). Crossing the tracks: How "untracking" can save America's schools. New York: New Press.
Перевагы и дефекты системы Потокова система школованя давать можность каждому штудентови якостно учити ся одповѣдно своим способностям и мотивации. Наданы штуденты можуть досягнути значно высшы резултаты опротив системы сполочного школованя.
Система была оскаржована з того, же понижуе и дискриминуе менше наданых штудентох: же штудент придѣленый до низшых груп лем тяжко може ся достати ку лѣпшой позиции. Понеже меджи нима были значнов мѣров представителе социалных, расовых и народностных меншин, приписовали системѣ за дефект и серйознѣншы формы дискриминации: расизм, социалну дискриминацию, сексизм.
Сучасность В резултатѣ критикы в сучасности система потокового школованя ся отворено не пропагуе. В державных бесплатных школах школованя е сполочне, без жадной сегрегации. Але окрем державных школ суть в великом числѣ приватны, меджи нима и престижны школы, котры фунгують на правах автономии и самы вызначають свою систему школованя.
Жерела и одказы Димиев, Айрат. Классная Америка. Казань: Парадигма, 2008. — 208 с. — Доступно онлайн
Референции
Катеґорія:Педагогика