Пистря́лово, Пістрялове — село в Мукачовском районѣ Закарпатской области Украины, центер сельской рады.Тронько П. и др., с. 437.
География Лежить о 12км на юговосток од районного центра.
История Пистрялово ся первый раз упоминать под назвов Pistralhaza в року 1476, а тота назва походить од имена особы.Sebestyén Zsolt, с. 114.
В року 1930 село мало 782 обывателѣ, з того: Русины — 757, Евреи — 21, Мадяре — 3, чужоземець — 1. В селѣ была русинска школа (4 класы). Грекокатолицка громада зоз 756 особ мала муровану церкву Покровы Пресвятой Богородицѣ, высвячену в року 1842.Достал Я., с. 113.
24. октобра 1944 з приходом Червеной армады 24 хлопцьох взяли до войска и послали на фронт, и зачала ся украинска доба истории села. До року 1969 были збудованы 140 хыж, восямрочна школа, клуб, библиотека.
Днешность Сельска радаПістрялівська сільська рада89673, Закарпатська обл., Мукачівський р-н,с. Пістрялово, 152 Ку Пистряловской сельской радѣ належало еще мадярске село Лѣсково, котре в року 1995 достало назад свою историчну назву Форнош, одняту му в року 1946,Sebestyén Zsolt, с. 50. и в сучасности мать свою окрему администрацию.
В 1980-х роках зачала ся выставба радарной штации варованя о ракетном нападѣ типа Дарьял як части стратегичной обороны СССР, котра штация зачала фунговати в 1990-х роках, а по зысканю Украинов независимости продовжала фунговати за комерчну платбу од России. Але через рост недовѣры и протесты обывательства радар перестав фунговати и быв зликвидованый по року 2003 (на фото).Литовкин В.
Од року 2020 належить ку Мукачовской городской громадѣ.
Жерела и одказы A történelmi Magyarország atlasza és adattára 1914 Sebestyén Zsolt: Bereg megye helységneveinek etimológiai szótára. — Nyíregyháza: Bessenyei Könyvkiadó, 2010 Достал, Ярослав. Підкарпатська Русь (Закарпаття періоду Чехословацької республіки: 1919–1938). Ужгород, «Карпати», 2014. . Тронько П. и др. (ред.) Історія міст і сіл України. Том 7. Закарпатська область. К. 1969.
Референции
Катеґорія:Села Україны Катеґорія:Населены пункты Украины Катеґорія:Населены пункты Закарпатской области