Дуклянскый просмык, Dukliansky priesmyk, Przełęcz Dukielska, Duklai-hágó, Dukelský průsmyk; ()Трёшников А.Ф. — стратегично вызнамный горскый переход в Лаборецкой верховинѣ Вонкашных Восточных Карпат, на граници меджи Польщов и Словакиев (Лемковина), найнизшый в главном гребеню Карпатскых гор.
Полога Лежить на юг од Дуклѣ в Польщи, од котрого достав свою назву, и на сѣверовыход од Свидника в Словакии, котры звязуе трансграничнов автодорогов. Околичный регион познатый як мѣсто, де ся крижують выходны и западны славянскы културы.
История В XVII. сторочу ту было пристанище збойника и фолклорного героя Андрея Савкы (1619–1661).Богдан Горбаль
17.–18. юна 1849 генерал Паскевич перейшов ту на мадярску сторону з российскым войском на помочь Австрии, жебы придушити мадярску револуцию. По выбудованю Лупковского желѣзничного транспортного тунела (1874) вылучный стратегичный вызнам Дуклянского просмыка ся вытратив.Ottův slovník naučný
Дуклянскый просмык быв польом тяжкых бойох на выходных фронтах и Первой, и Другой свѣтовых войн.Encyclopædia Britannica Подѣи Первой свѣтовой войны в том регионѣ описав Ириней Кондратович, котрый в тых часах служив ту яко молодый священик.И. Кондратович
6. октобра 1944 Чехословацкый армадный корпус и совѣтскы едноткы заяли Дуклянскый просмык, з чого ся зачало выслободжѣня Чехословакии. Дуклянска операция забрала понад два мѣсяцѣ тяжкых бойох и десяткы тысяч забитых воякох.Поп, Иван
Жерела и одказы
Dukla //Ottův slovník naučný. Illustrovaná encyklopaedie obecných vědomostí. Díl 8. Vyd. J. Otto. V Praze, 1894. С. 160 Богдан Горбаль: Савка Андрій // Сс. 676–677. Поп, Иван. Энциклопедия Подкарпатской Руси. — Ужгород: Изд-во В.Падяка, 2001. — 431 с. Сс. 165–166. Трёшников А.Ф. Географический энциклопедический словарь: Географические названия. /Гл. ред. А. Ф. Трёшников. — 2-е изд., доп. — М.: Сов. энциклопедия, 1989.— 592 с. С. 160
Референции
Катеґорія:Просмыкы и сѣдла Словакии Катеґорія:Просмыкы и сѣдла Польщи Катеґорія:Просмыкы и сѣдла