Посолскый уряд, Посольский приказ — централна штатна инштитуция Русского царства, котра контроловала и рядила зносины з чужоземныма державами в роках 1549—1720.Сербіна Н. Ф. Посольський приказ
Взник Посолскый уряд быв основаный в року 1549 при Иванѣ Грозном, а на челѣ уряду став «посолскый дяк» Иван Висковатов. На переломѣ стороча посолскый дяк мав ай даколько товмачи и перекладательох.
Штруктура и функции Штруктурно уряд ся дѣлив подля териториално-штатных ознак на «повытя» (оддѣлы). Ку териториям, контролованым Посолскым урядом спочатку належали и такы, што были свѣжо припоены ку царству, напримѣр Сибирия. Посолскый уряд мав на функции обще ведѣня вонкашной политикы царства и вшитку поточну дипломацию: посыланя русскых посолств за границю, приятя и одпроваджаня чужоземных посолств, приготовлѣня текстох инштрукций («наказох») русскым послам и корешпонденция з нима, приготовлѣня догод, проваджаня догварьок, справа вшиткых приходячых чужоземцьох, окрем войсковых. В року1689 уряд мав уже 53 поддячых, 22 перекладателѣ и 17 товмачи.
Далшый вывой Од 18 фебруара 1700 взникла Посолска путовна канцелария, котра «перебывала там, де Його Величество», од року 1710 называна без окреслѣня «путовна». Канцелария перебрала на себе зносины зо Западнов Европов, побалтскыма штатами, Османсков империев, Польщов. За Посолскым урядом зостало справованя Малороссии, Сибирии и т. п. По завершѣню Великой сѣверной войны (1700–1720) Посолска канцеларня была перетворена на Колегию загранича.Сербіна Н. Ф. Посольська канцелярія
Жерела и одказы
Референции
Катеґорія:История России