Александер Флеминг, Sir Alexander Fleming, *6. август 1881, фарма Лохфилд коло Дарвела в Шкоции – †11. марец 1955, Лондон, Велика Британия — британскый бактериолог и дохтор, найвецей познатый як объявитель пеницилину.Brown, KevinБольшая российская энциклопедияПрохоров А. М.
Его роботу продовжили Говард Флори и Ернст Борис Чейн, а в року 1945 довъедна трьоме были вызнаменаны як Нобеловы лавреаты з физиологии и медицины.
Биография Александер Флеминг походив з родины фармера, де быв семый дѣтвак з восьмерох (третий зоз штырьох дѣти од другой жены фармера). Сельскый живот в Шкоции заострив его дар техничной вынаходливости и быстрое око. По закончѣню мѣстных школ, в року 1895, одышов до Лондону, ку свому старшому братови Томасу, котрый там працовав як окулиста. Спочатку штудовав на политехницѣ и служив яко шпедитор. Але в року 1901, коли достав пѣнязьне наслѣдство од стрыя, послухав брата Томаса и тоты грошѣ инвестовав до штудий медицины. Абсолвовав медицинску школу при Шпиталю и зыскав диплому MBBS бакаларя медицины и хирургии з одзнаков (1901–1906). Быв добровольцем шкотского лондонского регимента и членом стрѣлецкого клуба шпиталя, а так капитан клуба, жебы го утримати, понукнув му мѣсто асистента в шпитальской бактериологичной лаборатории Алмрота Райта, котра ся занимала вакцинами ай имунологиев. В року 1908 Александер Флеминг зыскав ступень BSc бакаларя наук з бактериологии зо златов медалиов и зостав за преподавателя на той медицинской школѣ до року 1914. В роках 1914–1918 служив як войсковый медик. В роках 1918–1954 вернув ся в лабораторию Шпиталю , од року 1946 ей директор, од року 1928 професор, в роках 1948–1955 тыж професор Лондонской универзиты, в роках 1951–1954 тыж ректор Единбургской универзиты.
Научны объявлѣня АнтисептикаВ рокы Первой свѣтовой войны працовав в Медицинском корпусѣ Кральовской армады и яко бактериолог, штудовав инфекции ран в лаборатории Райта, перенесеной до Франции. Там они прийшли на то, же не мож поуживати сильны антисептикы на глубокы раны. В року 1917 в медицинском журналѣ The Lancet описав експеримент, котрым доказав, же такый поступ за цѣлу войну забив веце воякох, як сама инфекция, и рекомендовав просто чистити раны мягкым соляным ростопом. ЛизоцимВ року 1922 объявив лизоцим, ензим, котрый ся находить в розличных гленах людского тѣла, такых як слина, слызы або смолѣ. Выявило ся, же лизоцим мать мягкый антисептичный ефект и помалы роспущать бактерии. Нажаль, не мать учинку против найпатогеннѣйшых бактерий. Сам тото объявлѣня поважовав за свой найвекшый принос в науку. ПеницилинВ септембрѣ 1928 замерьковав плѣсньовый грибок на скляной пластинцѣ з културов бактерий стафилокока Staphylococcus aureus, котру тогды штудовав, и рѣшив мерьковати дале, што з того буде. Так выявив, же тот грибок рода Penicillium продукуе субстанцию, котра спомалюе рост бактерий. Быв очевидный клиничный потенциал той субстанции, котру он назвав пеницилином: быв то первый антибиотик. Хоть не годен быв выпродуковати го во векшый колькостях, ани екстраговати главну активну зложку, але в року 1929 опубликовав информацию о пеницилинѣ.British Journal of Experimental Pathology.1979 Feb; 60(1): 3–13
Интересны факты Публикация о пеницилинѣ не пробудила интерес ани в роках, хоть не переставав о том говорити, гледав помочь од каждого хемика и продовжовав сохраняти и вырощовати оригиналну културу грибка Penicillium. Аж в року 1940 Ернст Борис Чейн и Едвард Абрагам опубликовали свои штудии о штруктурѣ молекулы пеницилина, Говард Флори в року 1941 зачав клиничны выпробованя пеницилина, а Норман Гитли вынайшов технологию промысловой продукции. Александер Флеминг, Говард Флори и Ернст Борис Чейн в року 1945 довъедна трьоме были вызнаменаны як Нобеловы лавреаты з физиологии и медицины, понеже регула награды дозвалять максимално трьох участникох.
Жерела и одказы Прохоров А. М.
Прохоров А. М. (гл. ред.). Большой энциклопедический словарь. Москва: Советская энциклопедия, 1993. 1630 с. .
Референции
Катеґорія:Нобеловы лавреаты з физиологии и медицины Катеґорія:Медици