Шкоция, по англицкы и шкотскы Scotland, по гелскы Alba — штат в статусѣ автономной административно-политичной частиБольшая советская энциклопедия Споеного Кральовства Великой Британии и Сѣверной Ирландии.
Шкоция занимать сѣверну часть острова Велика Британия и прилеглы островы.Прохоров А. М. Хоть она териториално занимать третину Великой Британии, подля обывательства там жие лем десятина.Brown, Alice; Macleod, Iseabail C.; Moulton, Matthew James and Cameron, Ewen A.
История В старовѣком Римѣ Шкоцию называли часто Каледониев. Античны авторы называли обывательох Шкоции пиктами, од V. стороча там з Ирландии зачали ся селити шкоты. В IX. сторочу ся склало споене кральовство пиктох и шкотох, называне Алба, а од XI. стороча познате як Кральовство шкотох Regnum Scottorum або Шкоция Scotia, Scotland.Мереминский С. Г.
Од конця XIII. стороча Англия пробовала добыти Шкоцию, але натрафила на одпор. В року 1314 Шкоты поразили англицку армаду. В року 1328 Англия вызнала независимость Шкоции. Од року 1603 на англицкый престол наступив краль Якуб І. Стюарт (1566-1603-1625) з шкотского дома Стюартох. Быв он разом и кральом Шкоции яко Якуб VI. (1566-1567-1625) и так в часѣ его панованя реализовала ся Уния корун меджи Англицкым и Шкотскым кральовством.House of Stuart, Scottish and English royal family В роках 1651–1952 Шкоция была насилно прилучена ку Англии, а в року 1707 набрали силу официалны акты, котрыма ся закончила ся история Шкотского кральовства, и оно вошло в Кральовство Великой Британии.
Днешность
Подля резултатох референдума з року 1997 Шкоция (в року 1999, первый раз од року 1707) обновила свой независимый парламент, а зачатком XXI. стороча склав ся активный рух, веденый Шкотсков националнов партиев, за обновлѣня независимости Шкоции. На референдумѣ 18. септембра 2014 векшина обывательства автономии проголосовала за далше стриманя Шкоции в составѣ Великой Британии.
Обывательство Шкоты суть трудолюбивы, практичны и горды своима традициями и оригиналнов културов. Хоть дефинитивна векшина теперь говорить по англицкы, гелскый (Scottish Gaelic) и шкотскый (Scots) язык мають широкый вплыв и хоснованя, суть подтримованы в новом парламентѣ од року 1999, а мѣстны школскы администрации суть повинованы включити до програмы школ выуку тых языкох и литератур там, де на то е потреба. При том, же Шкоция найрѣдко заселеный регион Великой Британии, ту основна маса обывательства сконцентрована довкола четырьох мѣст: Абердин, Данди–Перт, Единбург, Глазгов, котры суть центрами промысла, транспорта и торговлѣ. В тых мѣстах густота обывательства стораз векша як в найменше заселеных частях Шкоции.
Жерела и одказы
Мереминский С. Г. ШОТЛАНДИЯ //Большая российская энциклопедия. . Москва, 2017 Одчитане: 28.06.2023 Прохоров А. М. (гл. ред.): Большой энциклопедический словарь — Москва: Советская энциклопедия, 1993. —
Референции
Катеґорія:Країны Европы Катеґорія:Країны Катеґорія:Велика Брітанія