Минералогия, од minera «руда» + λόγος «учѣня, наука» — наука о минералах, их зложѣню, даностях, физичной штруктурѣ, условиях формованя, указаня ся и перемѣн в природѣ.Прохоров А. М.
История Як окрема наука минералогия сформовала ся в добѣ Ренесанции (Георг Агрикола и др.). Термин минералогия введеный в року 1636 италианскым. ученым Бернардом Цезиусом. Во XVIII. ст. од минералогии ся выокремила кришталография, в XIX. ст. — петрография, в XX. ст. — наука о хосенных копалинах, геохемия, кришталохемия. Основы модерной минералогии заклали Владимир Вернадскый, Виктор Мордехай Голдшмидт и др.
Терминология и конарѣ Минералогия характерна великов розманитостьов теоретичных и ужитковых напрямох, а тыж богатов системов назв и номенклатуров. Днесь минералогия хоснуе около 14000 терминох, якыма означать научны поняття. Традично учебный предмет минералогия дѣлять на двѣ векшы части: общу або теоретичну и описову або систематичну (опис минералох). Традичны конарѣ суть:Білецький В. С. кришталохемия минералох — штудуе зависимость хемичного зложѣня, кришталичной штруктуры и характеристик минерала; морфология минералох — штудуе форму минералных индивидох, агрегатох и ей звязаность з конштитуциев и генезов минералох; генетична минералогия — штудуе зароджѣня, рост, перетворѣня минералох; експериментална минералогия — выгледуе способы вырощованя штучных минералох, моделованя процесох минералотворѣня; систематична минералогия — описуе минералы в их научной класификации; топоминералогия — штудуе просторовы закономѣрности формованя и указаня ся минералох в найдищах, регионах, земной корѣ; ужиткова минералогия — описуе практичне хоснованя минералох, способы гледаня и оцѣнкы найдищ, технологии обробкы и переробкы минералох. Новы конарѣ суть: биоминералогия — штудуе перетворѣня минералох при участи живых организмох; козмична минералогия — штудуе минералы планет, астероидох, комет, козмичный порох; наноминералогия — штудуе объекты нанорозмѣрной величины, надмолекуларны формы: ниткы, цѣвкы,кулѣ, шпиралы.
Жерела и одказы Білецький В. С. (ред.): Мала гірнича енциклопедія. В 3 т. — Донецьк: Донбас, 2007 Том 2. Прохоров А. М. (гл. ред.): Большой энциклопедический словарь — Москва: Советская энциклопедия, 1993. — 1630 с.
Референции
Катеґорія:Минералогия