Липье Lipie – село в Польщи, положене в Подкарпатском воеводствѣ, в Бещадском повѣтѣ, в гминѣ Чарна.
Полога Село Липье лежить в юго-выходном кутѣ Подкарпатского воеводства, оддалене од повѣтового центра Устшыки Долне о на юг-юго-выход, од центра гмины, Чарна Гурна, о на юго-выход.
История В року 1589 Липье было кральовскым селом и належало ку самборскому повѣту Руського воеводства.Aleksander Jabłonowski, Polska XVI wieku pod względem geograficzno-statystycznym. T. 7. Ziemie ruskie. Ruś Czerwona. Cz. 1, Warszawa 1901, s. 25. В року 1880 в селѣ быв 391 обыватель руськой народности, грекокатолицкой вѣры, деревяна грекокатолицка церква, в котрой ся вели матрикы од року 1786.Lipie (3)
По Другой свѣтовой войнѣ до осени року 1951 село належало до Дрогобычской области УССР. 15. фебруара 1951 быв подписаный договор о вымѣнѣ територий з Польщов, подля котрого до 17. новембра 1951 было докончене пересельованя людей и передача нерухомости. Липье вошло до новоствореного устшыцкого повѣта Жешовского воеводства. При вымѣнѣ украинске обывательство было переселене на юг Украины, а Липье заселено Поляками. В роках 1975–1998 територия административно належала Кросненскому воеводству.
Днешность Днесь Липье належить ку римокатолицкой парохии Здвигнутя Св. Креста в Чарной. Филиалный костел Божой Матери Ченстоховской поставленый в року 1983. Дотогды од року 1976 за костел служила церква з року 1900, котра цѣлком згорѣла 18. мая 1981.Parafia p.w. Podwyższenia Krzyża Św. w Czarnej k/Ustrzyk Dolnych
Вызнамны родаци Василь Курилло (1861–1940), грекокатолицкый священик и русинскый народовець, бывшый Министер загранича Лемковской републикы Флоринкы.
Жерела и одказы
Референции
Катеґорія:Населены пункты в Польску