Сату Маре, Satu Mare, Szatmárnémeti, Сатмар — город в сѣверозападной Румынии на правом березѣ Самоша, около од мадярской границѣ и од украинской границѣ.Encyclopedia BritannicaЛобанов М. М.
Сату Маре — административный центер жудеца Сату-Маре. Обывательство — 102,4 тыс. особ, подля списованя 2011, з того 34,6% Мадяре. Лежить на выходном краю Середньодунайской низины, де ся закончують одгоря Восточных Карпат, и е узлом авто- и желѣзничных дорог: через город иде далниця Констанца – Букурешт – Мукачово (Украина). Мать меджинародне летище (од 1936).
История В X. сторочу на територии днешного Сату Маре быв военный форт, як упоминать Анонимус в Gesta Hungarorum, «твердыня Зотмар», castrum Zotmar, котрый Мадяре взяли лем по тяжкых боях. Довкола него ся поступно розросли двѣ осады — Сатмар, Szatmár, и Ниймети, Németi (нѣмецка колония), котры достали варошскы привилегии в роках 1230 и 1264. В Сатмарѣ нераз была кральовска резиденция.
В року 1241 спустошены монголо-татарскым впадом.
В року 1411 краль Жигмонд Луксембургскый передав их Георгию Бранковичу, сербскому деспоту, под владу мадярской коруны ся вернули в року 1460. Далшы два стороча были они объектом боя меджи Австрийсков и Османсков империов з ей вазалным Семигородскым княжеством. В року 1711 ту быв подписаный Сатмарскый мир, котрым ся закончило Повстаня Раковция. В роках 1712–1715 оба городы ся злучили, а в року 1721 Сатмар-Ниймети, Szatmár-Németi, достав статус вольного кральовского города. В року 1920 подля Трианонского договора город достала Румыния. Од року 1925 носить свою днешню назву. В роках 1940–1944 подля Другой вѣденьской арбитражы быв под мадярсков владов.
Газдовство Про вывоз: выроба авточасток про германскы и румынскы значкы, кухонных шпорох про шведскый «Electrolux», електроникы про германскый «Zollner», горничого и металургичного обладунку про румынску компанию «Unio», абразивы про французскый «Saint-Gobain», шпортовы гелмы про германску компанию «Casco». Про домашный торг традична выроба: потравины, конфекция и бутор.
Жерела и одказы Лобанов М. М. Сату-Маре //Большая российская энциклопедия. Том 29. Москва, 2015, стр. 456 Верзия: 2017. Одчитане: 25.08.2021
Референции
Катеґорія:Населены пункты Румынии