Уладзіслаў Тадэвуш Быхавец (? — 10 жніўня 1761) — ураднік Вялікага Княства Літоўскага.
Біяграфія Паходзіў са шляхецкага роду Быхаўцаў герба «Магіла». Сын Самуэля Дабрагоста Банавентуры і Крысціны з ДэнгафаўАрхіварыус: зб. навук. паведамл. і арт. ; вып. 11 / рэд..: Ю. М. Бохан [і інш.]. — Мінск : НГАБ, 2013. — 318 с. — (серыя «Гісторыя, архівазнаўства, крыніцазнаўства»). ISSN 2225-4412..
Cпярша падчашы менскі (1714—1726 гг.), суддзя Галоўнага трыбунала ВКЛ (1714 і 1736) і староста люцынскі (1718), харужы пяцігорскі знаку Пана падкаморыя ВКЛ (1725) і стольнік ваўкавыскі (1726), суддзя гродскі ваўкавыскі (1727—1736 гг.), затым — падстароста судовы Ваўкавыскага павета (1738—1740) і суддзя земскі ваўкавыскі (1740—1761).
У Ваўкавыскім павеце валодаў маёнткам Раневічы ці Граневічы (1726 г.) і сваёй часткай Лыскава (з Магілёўцамі). 5 сакавіка 1726 заставіў сваю частку Лыскава за 50 000 злотых сваёй жонцы Галене з Біспінгаў. Як вынікае з ліста да маці ад 13 кастрычніка 1734 г., Уладзіслаў Тадэвуш Быхавец меў 47 дымоў.
Памёр 10 жніўня 1761 года.
Сям’я Два разы браў шлюб — першы раз у 1726 г. з Галенай Біспінг, суддзянкай земскай старадубаўскай, якой таго ж года . У 1739 г. яго жонкай была ўжо Марыяна Нінеўская.
Ад першай жонкі меў сына Яна Мікалая (каля 1732 — ?), а ад другой — сына Ігната (Ігнацыя) і тры дачкі: Тэрэзу, Яганну і Францішку.
Тэрэза стала жонкай Антонія Сухадольскага (каля 1750—1799), гаспадара маёнтка Рагозніца, дзе ён у 1791 г. пабудаваў прыгожы палац, які захаваўся да нашых дзён. Тэрэза была бабкай знакамітага польскага мастака-баталіста Януарыя Сухадольскага (1797—1875)Папко В. М. РОД БЫХАЎЦАЎ ГЕРБУ «МАГІЛА» НА БРЭCЧЫНЕ.
Малодшы сын Ігнацый з жонкай Нявінскай меў сыноў Юзафа, Яна і Антонія.
Літаратура
Катэгорыя:Падчашыі менскія Катэгорыя:Старосты люцынскія Катэгорыя:Харунжыя пяцігорскія Катэгорыя:Стольнікі ваўкавыскія Катэгорыя:Суддзі гродскія ваўкавыскія Катэгорыя:Суддзі земскія ваўкавыскія Катэгорыя:Падстаросты ваўкавыскія Катэгорыя:Дэпутаты Трыбунала Вялікага Княства Літоўскага