десно|мини| Моганшан Моганшан или Планина Моган () — планина која се наоѓа во округот Деќинг, Хуџоу, покраина Џеѓанг, Кина, на 60 километри од главниот град на покраината Хангџоу и 200 км од Шангај. Тој е дел од националниот парк Моганшан и во неговата основа се наоѓа малиот град Моганшан.
Познат по своите свежи температури за време на жешките лета во областа, долго време бил врталиште на шангајската елита. Моганшан го задржа селскиот начин на живот со мешавина од месни гостилници и стари вили изградени на почетокот на 20 век.
Историја Според кинеска легенда, во пролетниот и есенскиот период 770-476 г.пр.н.е., најталентираниот кинески ковач на мечеви Ганџијанг пристигнал во планините. Овде тој исковал пар специјални мечеви на барање на царот Ву. Сопругата на Ган се викала Моје, па оттука и името Моганшан и главната туристичка атракција Езерце на Мечот.
Остриот освежителен ветар на планината Моган за прв пат ги маѓепсал странците во 1880-тите, кога месното население изнајмувале соби и куќи. Биле изградени големи вили, куќи, цркви и јавни сали во европски стил за мисионери, стопанственици, цариници и нивните семејства. Многу од овие вили и куќи сè уште постојат, а некои се претворени во хотели и пансиони кои работат и денес.
До 1910 година околу 300 странци, главно Американци и Британци, изградиле летни домови на ридот. Странците го напуштиле местото со подемот на Комунистичката партија во 1949 година, а вилите им биле предадени на различни работни единици или „данвеи“ од Хангџоу и Шангај. Многу од вилите се во сопственост на Народноослободителната армија. Марк Кито, првиот странец кој живеел на планината во модерно време, добил 10-годишен закуп од нив во 2003 година, ја реновирал вилата и го отворил Моганшан лоџ, ресторан и ноќевалиште.Homepage Moranshan Lodge, accessed June 15, 2013
Во 2011 година, јужноафриканскиот претприемач Грант Хорсфилд и неговата сопруга Делфин Јип отвориле голи штали, кои подоцна станале првото одморалиште со LEED платинест сертификат во континентална Кина. Сега е едно од најпопуларните одморалишта во Моганшан.
Географија лево|мини| Типична стрмна пошумена патека во Моганшан Моганшан е дел од планинскиот венец Тијанму, а самата планина Тијанму се наоѓа на околу 50 километри југозападно од Моганшан. Моганшан се наоѓа на надморска висина од 718 метри.
Моганшан е една од главните области под бамбус, со бујни бамбусови шуми на нејзините падини и околните области.
Туризмот денес десно|мини| Средиштето на градот Моганшан Моганшан го посетуваат различни кинески и странски посетители за опуштање, пешачење и посета на различни сценски и историски места, вклучувајќи ја и вилата на Чанг Кај Шек по Втората светска војна.
Наводи
Надворешни врски Mogan Mountain Mogan Mountain Eco-Friendly Moganshan, China New York Times Travel
Категорија:Национални паркови во Кина Категорија:Географија на Џеѓанг Категорија:Статии со текст на традиционален кинески