Езерото Бахман е мало слатководно езеро кое се наоѓа во заедницата Бахман Лејк во северозападен Далас, Тексас (САД). Зафаќа површина 0.83км2 и се наоѓа на северозападната граница на Далас Лав Филд во патеката за слетување на аеродромот и западната граница на луксузната населба Блафвју. На западниот крај од езерото, ДАРТ обезбедува транзитна услуга на станицата Бахман, вклучувајќи лесна железница преку Зелената линија и Портокаловата линија.
Историја и развој Езерото Бахман првично било создадено во 1903 година со преградување на браната Бахман Бранч како извор на вода за Далас, но се покажало дека е премалку за потребите на градот, што довело до изградбата на езерото Вајт Рок во 1911 година. Денес, „Далас Вотер Јутлитиз“ управува со пречистителната станица Бахман (ПТУ), најстарата оперативна пречистителна станица во градот која сè уште е во функција.
Областа околу езерото моментално се гради. Продавниците во Блафвју донеле 24000м2 луксузни станови, малопродажни објекти, ресторани и канцеларии во областа во 2008 година. Во 2019 година, „Триниск Резиденшл“ ја завршил изградбата на „Аура“ во Блафвју, станбена заедница од класа А со 473 станови на североисточниот почеток на патеката на езерото.
Рекреација Денес, езерото Бахман се користи како рекреативна зона што го вклучува рекреативниот центар Бахман, неколку места за пикник и игралиште. Кај езерото Бахман има 5,3 км асфалтирана патека за пешаци и велосипедисти која го опкружува езерото со фитнес станици, клупи, фонтани, тоалети и места за пикник на неколку локации.
Езерото Бахман служи и како дом на Веслачкиот клуб во Далас и овозможува едрење и веслање со марина и чамци. Риболовот е исто така дозволен бидејќи езерото редовно се порибува со сом. Хранењето на дивиот свет е забрането поради локацијата на езерото во патеката на летот на Лав Филд.
Планирани подобрувања „Далас Водоснабдување“ го спроведува проектот за обнова на браната и преливникот на езерото Бахман. Тоа ќе обезбеди безбедност на браната, ќе ja минимизира опасноста од поплави и ќе обезбеди усогласеност со регулативите. Дополнително, подобрувањата во одржувањето на багерирањето ќе придонесат за обновување на езерото, ќе го подобрат квалитетот на водата и ќе им овозможат на граѓаните да уживаат во езерото во иднина. Проектот започна во јули 2019 година и се проценува дека ќе биде завршен во 2025 година. „Далас Водоснабдување“ создаде веб-страница за да ја известува јавноста за градежните активности. Езерото го приблекло вниманието на јавноста во 2017 година поради изградбата на остров во средината, што може да се должи на лошите практики за управување со градежништвото и/или нормалните модели на седиментација. Во април 2019 година, работната група на Градот гласала за препорака на опцијата „одржување на езерото“ што на крајот би ја сочувала постојната големина и отпечаток на езерото во најголем дел недопрени со поправка на браната на езерото и длабинско чистење на езерото за отстранување на талогот.
Во 2017 година, градските гласачи одобриле предлози за обврзници што вклучуваат 11,4 милиони долари за паркови околу езерото Бахман, вклучувајќи:
3,9 милиони долари за реновирање на рекреативниот центар Бахман, завршено во мај 2021 година. 3,5 милиони долари за нов регионален воден центар наречен „Воден центар на семејството Бахман“. Отворен од јули 2023 година. 4 милиони долари за нов скејт-парк, чиј дизајн се очекува да заврши во 2020 година, а изградбата во 2023 година.
Наводи
Надворешни врски
Страница на езерото Бахман на веб-страницата на парковите и рекреацијата во Далас Веб-страница на проектот за рехабилитација на браната и преливникот на езерото Бахман Профил за риболов на езерото Бахман од Одделот за паркови и диви животни во Тексас Патеката на езерото Бахман во „Далас Морнинг Њуз“ Веслачки клуб во Далас, со седиште во езерото Бахман
Категорија:Далас (округ во Тексас) Категорија:Езера во САД