„Размена на местата“ (англиски: Trading places) – филм на режисерот Џон Лендис (John Landis) од 1983 година, снимен по сценариото на Тимоти Харис (Timothy Harris) и Хершел Вајнгрод (Herschel Weingrod). Главните улоги ги играат: Ден Акројд (Dan Aykroyd), Еди Марфи (Eddie Murphy), Џејми Ли Кертис (Jamie Lee Curtis), Денхолм Елиот (Denholm Elliott), Ралф Белами (Ralph Bellamy) и Дон Амичи (Don Ameche). Музиката за филмот е дело на Елмер Бернстајн, кој бил номиниран за наградата „Оскар“, Елиот и Ли Кертис биле наградени со БАФТА за најдобри споредни глумци, додека филмот бил номиниран за „Златен глобус“ за најдобра комедија или мјузикл. Kolo sreće, američki film (1983.) (пристапено на 29.12.2025)
Синопсис Луис Винтроп III (го игра Акројд) е успешен млад брокер со раскошен стан и со личен слуга (го игра Елиот). Били Реј Валентајн (го игра Марфи) е ситен измамник и бездомник. По една незгода во која Валентајн се среќава со Винтроп и со неговите работодавци, браќата Дјук, тие решаваат да направат мал опит: да ги заменат животите на Валентајн и Винтроп. Тие му местат кражба на Винтроп, кој останува без свршеницата, станот и кариерата, а Валентајн го зазема неговото место. Меѓутоа, со помош на новата пријателка, проститутката Офелија (ја игра Ли Кертис), Винтроп смислува план како да си врати угледот...
Наводи
Категорија:Американски филмови Категорија:Филмови на англиски јазик Категорија:Филмови од 1983 година Категорија:Филмски комедии Категорија:Филмови чие дејствие се одвива во САД Категорија:Филмови на Џон Лендис Категорија:Филмови со Еди Марфи Категорија:Филмови со Дон Амичи Категорија:Филмови со Џејми Ли Кертис Категорија:Филмови со Ден Ајкројд Категорија:Филмови со Денхолм Елиот Категорија:Филмови со Ралф Белами