Југословенски каранфил (науч. Dianthus jugoslavicus) — вид каранфил опишан од К. Мицевски. Dianthus jugoslavicus припаѓа на родот Carnation и семејството Caryophyllaceae. Природно се среќава во Македонија.
Опис и распространетост Повеќегодишно растение. Стеблото е високо 40-60 см, четириаглесто, зелено и голо. Листовите се голи и зелени; базалните се линејни, долги до 17 см, широки 1-1,5 мм, со три жили, плоснати или здиплени, остри, рабовите груби. Стеблените листови се плоснати, линејни, пошироки (до 2 мм), со три жилки, рабовите груби, долги колку интернодиумите или покуси. Лисните ракавци се долги 15-20 мм. Цветовите се во главичести соцветија; инволукралните лушпи се издолжено елиптични, долги колку чашката, кожести, 'рѓести, набрчкани и груби, со кратки влакненца, нагло стеснети во долг осил од 10-12 мм. Чашкините лушпи се четири, покуси од чашката, кожести, елиптични или обратно јајцевидни, 'рѓести, груби, набрчкани, рабовите ципести, нагло стеснети во осил долг 5,5-7 мм. Чашката е долга 12-14 мм, широка 3 мм, пурпурна и груба; запците долги 4-6 мм, широки 1,2 мм во основата, најчесто груби, рабовите со цилии. Венчето е розово, 6 мм долго и широко, при основата влакнесто, рабовите неправилно назабени.
Расте покрај патишта и крај дабови шуми, до 1000 м надморска височина.
Забележан единствено во Кичево, меѓу селата Извор и Малковец.
Галерија
Наводи K. Micevski, 1990 In: Prilozi Oddel. Biol. Med. Nauki Makedonska Akad. Nauk. Umet., 8(1-2): 33 World Plants: Synonymic Checklists of the Vascular Plants of the World
Категорија:Каранфил Категорија:Флора на Македонија Категорија:Ендемска флора на Македонија