— јапонско списание за сеинен-манга, издавано од компанијата Kadokawa Shoten од 2009 г. Списанието излегува на 4 секој месец. Првите девет изданија биле посебни изданија на Gekkan Shonen Ace, и дури со изданието од 3 април 2010 г. списанието станало независно. Young Ace започнал со серијализација на мангата Нов век: Евангелион, која претходно излегувала во Shonen Ace, MPD Psycho и манга-адаптацијата на Летни војни.
Историја
Пред почетокот на издаваштвото Првиот број на ова списание бил најавен од издавачката компанија Kadokawa Shoten на 23 март 2009 г. во списанието Monthly Shonen Ace. Пред излегувањето на првиот број во книжарниците (како три брошури) и на официјалните мрежни места (во форматот PDF), биле дистрибуирани вкупно 4 прегледни примероци на списанието.
По прекинот на излегувањето на списанието за сеинен-манга Comic Charge, кое го издавала Kadokawa Shoten од март 2007 до јануари 2009 г., во Young Ace продолжила објавата на сериите што излегувале во неа како MPD Psycho, The Kurosagi Corpse Delivery Service, Yakumo Hakkai и други. Исто така, во него била пренесена и мангата Future Diary од списанието Ace Assault, чие издавање било прекинато во март истата година.
Прв број На 4 јули 2009 г. компанијата Kadokawa Shoten го издава првиот број на списанието Young Ace, на чија насловна страница било напишано Раѓање на списанието — постариот брат на Shonen Ace!, а се појавила и илустрација за Neon Genesis Evangelion од уметникот Јошијуки Садамото. Главни дела во времето на излегувањето на првиот број биле мангата MPD Psycho (автори Еиџи Оцука и Шоу Таџима) пренесена од Comic Charge, The Disappearance of Nagato Yuki-chan од Пујо, како и манга-адаптацијата на долгометражниот аниме-филм на Мамору Хосода — Летни војни.
Наводи
Надворешни врски
Comic Natalie announcements ANN announces Young Ace additions
Категорија:Месечни списанија за манга