Крпени (, Крепени)Μετονομασίες των Οικισμών της Ελλάδας. Μπλάτση -- Κρεπενή — село во Општина Костур во Костурскиот Округ, Егејска Македонија, денес во областа Западна Македонија, Грција.
Географија и местоположба
Селото се наоѓа на неколку километри од градот Костур на југоисточниот брег на Костурското Езеро во историско-географската област Корешта. Селото се наоѓа на надморска височина од 618 метри.
Историја
Во доцниот среден век крпа Крпени било во составот на Втората бугарска држава. Во селото биле пронајдени бугарски монети и печат, со сликите на двајца бугарски владетелиПоповски, Търпо. Македонски дневник. Спомени на отец Търпо Поповски, Издателство Фама, София, 2006, стр. 36.Тзавелла, Христофор. Кръстникът на първите войводи на ВМОРО и ВМОК отец Търпо Поповски, Македония Прес, София, 2003, стр. 85.
Во османлиските даночни регистри од средината на XV век селото било споменато со 24 глави на семејства и двајца невенчани: Папас, Драјо, Михо, Петру, Димитри, Михос, Јорго, Тодор, Јано, Стам, Јован, Тодорос, Михо, Добри, Јано, Грубан, Димитри, Дабижив, Петру, Стефан, Андро, Јорго, Стојко, Васо, Тодор, Петру и Којо, и две вдовици Кала и Марија. Вкупниот приход за државата од селото била 1.622 акчиња.Опширни пописни дефтери од XV век, том II, Архив на Македонија, Скопје, 1973, стр. 92.. Османлиски дефтер од 1530 пишува дека во селото има 30 семејства, 7 неженети и 5 вдовици.Harun Yeni, Demography and settlement in Paşa sancaği sol-kol region according to muhasebe-i vilayet-i rumeli defteri dated 1530 [1530 tarihli Muhasebe-i Vilayet-i Rumeli defteri'ne göre Paşa Sancağı sol-kol bölgesinde demografi ve yerleşim], Ankara,2006, стр. 113
Во текот на XVIII век во селото е изградена црквата „Свети Никола“http://istorikakastorias.blogspot.mk/2010/12/1.html. Во „Етнографија на Адријанопол, Монастир и Салоника“ се вели дека во 1873 г. Крпени се состоело од 27 семејства со 75 жители МакедонциМакедония и Одринско. Статистика на населението от 1873 г., Македонски научен институт, София, 1995, стр. 106-107. Според статистиката на Васил К’нчов („Македонија. Етнографија и статистика“) во 1900 година Крпени имало 70 жители МакедонциКънчов, Васил. Македония. Етнография и статистика, София, 1900, стр. 267..
На Етнографската карта на Битолскиот Вилает од 1901 г. Карпени се води како чисто македонско село во Костурската Каза на Горичкиот Санџак со 10 куќи.
Селото било под влијание на Цариградската патријаршија. Според податоците на секретарот на егзархијата Димитар Мишев („La Macédoine et sa Population Chrétienne“) во 1905 година во селото живееле 80 македонски патријаршисти и работело грчко училиштеBrancoff, D.M. La Macédoine et sa Population Chrétienne, Paris, 1905, pp. 180-181. Според Георги Константинов Бистрицки селото пред Балканската војна имало 20 гркомански семејстваБистрицки, Българско Костурско, Ксанти, 1919, стр. 7.
Во текот на Втората балканска војна, селото било окупирано од страна на грчките војски. По крајот на Балканските војни, селото било вклучено во составот на Грција. На пописот од 1913 година селото било евидентирано како напуштена населба. Подоцна, на местото каде некогаш се наоѓало селото биле изградени колибарски куќи од жителите на Маврово, кои доаѓале во Крпени за да ги обработуваат своите земји.
Крпени постои до денес, но до 1981 година се водела како напуштена населба без жители.
Демографија
Во 1981 година имало 61 жител, додека во 1991 година имало 115 жителиΔημήτρης Λιθοξόου. Πληθυσμός και οικισμοί της περιοχής Καστοριάς. Денеска, населението на селото е 145 жители според пописот од 2001 година.
Наводи
Категорија:Костур (општина)