In Through the Out Door е осмиот студиски албум на англиската рок група Лед Зепелин снимен е во период од три недели во ноември и декември 1978 година во студиото на групата АББА, Полар Студиос во Стокхолм, Шведска. Албумот е издаден преку издавачката куќа на Лед Зепелин, Суан Сонг Рекордс на 15 август 1979 година и е шестиот и последен албум кој се искачува на врвот на топ листите во САД. Бидејќи е последен албум пред смртта на Џон Бонам во 1980 година и бидејќи албумот издаден по него, Соdа, е компилација со неколку нови песни, In Through the Out Door се смета и за последен албум на групата пред да се распадне.

Заднина Името на албумот доаѓа од тешкиот период на бендот по смртта на синот на пејачот Роберт Плент, Карач во 1977 година, како и даночното прогонство на групата од Велика Британија. Со тоа им е забрането да одржуваат концерти на британско тло цели две години и обидот за враќање им е како да се обидуваат да влезат низ задната врата (анг. get in through the out door).

За разлика од претходните албуми каде најмногу се чувствуваат електричната гитара на Џими Пејџ и тапаните на Џон Бонам, на овој албум влијанието на сестраниот Џон Пол Џонс и текстовите на пејачот Роберт Плент се истакнуваат. Џими Пејџ, кој досега или сам ги склопува песните или им дозволува мала заслуга на другите членови, нема никаква заслуга за песните All My Love и South Bound Saurez, а освен за песната Darlene, која всушност се издава со следниот албум, Џон Бонам не добива никаква заслуга за песните од сесиите во Полар Студиос.

Намаленото влијание на гитаристот и тапанарот се должи на нивните проблеми со дрога и алкохол, со што тие често доцнеле на сесиите. Како што изјавува ЏПЏ, бевме поделени во две групи, и нашата (ЏПЏ и Плент) беше таа 'почистата'. ЏПЏ и Плент составуваат голем дел од песните во текот на денот и потоа Пејџ и Бонам ги додаваат нивните делови доцна во ноќта. Според ЏПЏ:

Опаковка Оригиналната опаковка има еден интересен детаљ: надворешната опаковка е направена да изгледа како обична хартиена кеса, а внатрешната соджи црно-бела слика која се обојува кога ќе се измие со вода. Постојат шест различни опаковки со различни слики и надворешната 'хартиена кеса' ги прикрива за да не знаат купувачите што добиваат. Има код на работ од опаковката кој го открива тоа, а сликите содржат сцени од барот Апсинт во Њу Орлеанс Луизијана, каде човек гори писмо од некој Џон и секоја слика покажува аголот од кој го гледаат другите луѓе во барот кои исто така се појавуваат на сликите. Ѕидовите на барот се покриени со банкноти и бизнис картички и тој е направен во студио во Лондон за да се фотографира за албумот. Уште еднаш фирмата Хипносис ги дизајнира сликите и се номинирани за Греми за опаковката на албумот.

Критики Намерата е албумот да се издаде пред двојниот концерт на групата во Кнеборт во 1979 година, но поради разни одложувања во продукцијата се издава по концертите, на концеротот на 4 август Плент го исмејува овој факт.

Иако не добива позитивни оценки од критичарите, In Through the Out Door се искачува на првата позиција на топ листите во својата втора недела од издавање и сите песни од албумот се појавуваат на топ листите што е невиден подвиг. Останувајќи на првата позиција на топ листата во САД седум недели и продавајќи се во три милиони копии до крајот на септември 1979 година и 6 милиони копии на денешен ден, заедно со Лед Зепелин 2, In Through the Out Door се двата албума од нивниот каталог кои најдолго остануваат на првата позиција на топ листата. По издавањето членовите искажуваат одредена незадоволност со албумот:

'In Through the Out Door не е најдобрата работа светот, ама барем се потрудивме да комбинираме за наше добро. Од сите наши албуми беше малку поповлечен бидејќи долго време бевме изолирани од целиот хаос. Во 1977, кога го изгубив синот, не ми беше дојдено до песни како Black Dog или слично. In Through the Out Door е повеќе совесен отколку див.' Изјавува Плент. Во 1998 година за Гитар Ворлд, по прашањето дали ја губат желбата за уште еден хард рок албум, Пејџ изјавува:

'Никогаш. Никогаш. Всушност, јас и Бонзо (тапанарот) веќе планиравме еден таков албум по ова. Двајцата мислевме дека овој албум е малку мек и не бев луд по All My Love, можев да ги замислам луѓето како ги мавтаат рацете на рефренот и воопшто не ми се допаѓаше тоа. Си помислив: Тоа не сме ние. Тоа не сме ние. Тоа е добра песна, но не сакав да тргнеме во таа насока со нашата музика.'

Во истото интервју Пејџ објаснува дека ЏПЏ е многу инспириран да создаде нови песни по купувањето на неговиот нов синтисајзер и почнува да работи повеќе со Плент, нешто што дотогаш не се случило. Во 2004 година Пејџ изјавува дека мора да направат нешто повеќе хард рок по In Through the Out Door, дека не е најлесниот албум, беше како премин кон нешто друго, нешто што би било кога би било. Од друга страна менаџерот Ричард Кол во својата книга Скали до Рајот, вели дека го слушнал Бонам тврдејќи дека Плент најубаво пее во песната All My Love. Ова е последниот албум пред смртта на Бонам на 25 септември 1980 година.

Признанија и награди МагазинЗемјаПризнаниеГодинаРангАмерикански музички наградиСАДНајдобар поп/рок албум1980Номиниран

Лсита на песни ЏПЏ, Плент и Пејџ ги пишуваат сите песни, освен каде што има дополнителни заслуги.

Положба на топ листите Табела (1979)Највисок пласман Japanese Albums Chart2 Swedish Albums Chart17 UK Albums Chart1 US Cash Box Top 100 Albums1 US Record World Album Chart1 US Billboard 200 1 Norwegian Albums Chart14 Austrian Album Charts20 Canadian RPM Albums Chart1 New Zealand Top 50 Albums Chart1 Australian Albums Chart3 German Albums Chart28 Spanish Albums Chart5 French Albums Chart7

Синглови ГодинаСинглТабелаПозиција1980"Fool in the Rain"Билборд Hot 10021

Сертификации за продажба

Екипа Led Zeppelin John Bonham – drums John Paul Jones – bass guitar, keyboards Jimmy Page – acoustic and electric guitar, Gizmotron, production Robert Plant – lead vocals

Дополнителен персонал Barry Diament – mastering (original Compact Disc release) Peter Grant – executive producer Hipgnosis – record sleeve Leif Mases – engineering George Marino – remastered Compact Disc release Jeff Ocheltree – drum tech with John Bonham Lennart Östlund – assistant engineering

Наводи

Надворешни врски Images of the six covers Storm Thorgerson's official website – includes an In Through The Out Door feature Rick Barrett In Through The Out Door Album Covers

Категорија:Албуми на Led Zeppelin Категорија:Албуми од 1978