Опел Капитан — бизнис автомобил, кој започнал да се произведува во 1939 година од страна на германскиот производител Опел, и производството завршило во 1970 година, кога моделот бил заменет со Опел Олимпија.
Капитан (1938–1940)
Капитан бил последниот нов модел на Опел што се појавил пред избувнувањето на Втората светска војна, развиен во текот на 1938 година и започнал во пролетта 1939 година при претставувањето во Женева на моторно шоу. Првиот Капитан бил достапен во многу различни стилови на каросеријата, најпопуларен бил седанот со 4 врати. На пазарот биле понудени и купе и кабриолет верзија со две врати. Предвоената верзија на Капитан имала унитарно тело, иновативна одлика за своето време. Моделот бил проучуван од советските инженери и силно влијаел на дизајнирањето на ГАЗ-М-20 „Победа“. Капитан го наследил моделот на Опел Супер 6 и неговиот 2,5-литарски. Максималната брзина која можела да ја постигне била 118 км на час.
Граѓанското производство на автомобили од „Опел“ престанало во есента 1940 година, до кое време биле произведени 25.371 модели: уште три биле собрани во текот на 1943 година, со што се добил вкупниот обем на производство за верзијата започната во 1939 година од 25.374. Покрај тоа, 2 биле собрани во 1946 година, а еден во 1947 година, но истите не биле официјално запишани во статистиката.
Капитан (1948–1950)
Во октомври 1948 година, Капитан бил повторно воведен како прв повоен шест-цилиндричен автомобил во Германија. Првичното производство било резервирано за окупаторските сили, но продажбата на приватни клиенти започнала веќе од 1949 година. Опел Капитан од 1948 година бил понуден само како седан, заснован на верзијата од 1939 година.
Главните разлики биле тркалезните фарови наспроти шестаголните од претходната верзија. Од мај 1950 година, менувачот бил преместен од подот до меначот. Првиот повоен Капитан достигнувал максимална брзина од 126 км на час, а потребни биле 29 секунди за да достигне 100 км на час и трошел 13 литри на 100 километри.
До февруари 1951 година биле произведени 30.431 единици од овој модел.
Капитан (1951–1953)
Моделот на Капитан од 1951 година, воведен во март 1951 година, бил стилски модернизирана верзија на стариот модел. Технички скоро бил ист. Соодносот на компресија на моторот се искачила од 6.0:1 на 6.25 to 1, со 58 КС (43 kW; 57 КС).
Однадвор, автомобилот лесно се разликувал од првиот повоен Капитан. Овој модел бил најмодерниот произведен автомобил во Европа за време на повоените години. Конкурентните модели на Мерцедес се сметале за застарени и покрај нивниот поголем престиж.
Од март 1951 до јули 1953 година, Опел произвел 48.562 автомобили од оваа серија.
Капитан (1953–1958)
Во ноември 1953 година, Опел го претставил својот комплетно нов модел на Капитан кој бил подолг и поширок од својот претходник. Поседувал шест-цилиндричен мотор, иако неговиот сооднос на компресија бил зголемен на 7,0:1, со 68 КС (50 kW; 67 КС). За 1955 година, излезот се искачил на 71 КС (52 kW; 70 КС) и дополнително бил засилен на 75 КС (55 kW; 74 КС) за 1956 година.
Од мај 1957 година, бил воведен 3-брзински полуавтоматски менувач.
Од ноември 1953 до февруари 1958 година биле произведени 154.098 модели од Капитан. Во свое време, оваа генерација била третиот најпопуларен автомобил во Германија, зад Фолксваген Буба и сопствениот Опел Рекорд.
Капитан P1
Капитан во 1958 година (серија П1), воведена во јуни 1958 година, бил поширок и понизок од неговиот претходник, и имал панорамски прозорци.
Овој пат, моторот со шест цилиндри од 2.473 кубици имал максимален излез на 80 КС (59 kW; 79 КС) при 4100 вртежи во минута. Покривот бил малку намален.
П1 бил произведуван само една година. Од јуни 1958 до јуни 1959 година биле произведени 34.228, што е помалку автомобили од годишното производство на неговиот директен претходник или на неговиот директен наследникOswald, p 194.
Капитан P2 (1959–1963)
Капитан P2 излегол на пазарот во август 1959 година, и се здобил со нова решетка и преработенашколка со повеќе аголен покрив и нов заден дел. Моделот имал 2,6-литарски мотор, и биле претставени со три и четири брзини, додека во 1960 година била достапна и верзија со три автоматски брзини.
P2 имал максимална брзина од 150 км на час, достигнувал 100 км на час (62 км на час) за 16 секунди и трошел 12 Л/100 км .
Од август 1959 до декември 1963 година, Опел произвел изгради 145.618 единици од оваа серија. Ниту еден друг модел на Опел Капитан, пред или последователно, не постигнал толку високо ниво на производствоOswald, p 196.
Капитан A (1964–1968)
Во 1964 година, Опел ги вовел целосно новите модели KAD (Капитан, Адмирал, Дипломат); Капитан служеше како основен модел на овој тристепен модел.
Овој модел бил напојуван со истите мотори како современиот Опел Адмирал, имено 2,6 литри или 2,8 л. За австрискиот пазар, 580 модели Капитан и Адмирал добиле 2,5 л., со излез од 112 КС (82 kW; 110 КС) во 1966/67 година.
Капитан бил преработен кон крајот на 1967 година и добил нови ленти, нов управувач ZF и склопувачки управувач. Во исто време станала достапна и верзијата од 2,8л. со 140 КС (103 kW; 138 КС).
Продажбата на Капитан А паднала нагло; до неговото прекинување во ноември 1968 година, вкупно 24.249 автомобили ја напуштиле фабриката.
Капитан B (1969–1970)
Капитан B бил претставен во 1969 година и бил последниот автомобил со името Капитан.
Производството завршило во мај 1970 година. Адмирал и Дипломат биле произведувани уште седум години, сè додека не биле заменети од Сенатор во 1978 година.
Само 4,976 модели на Капитан B биле произведени за 15 месеци.
Наводи
Надворешни врски Classic Opel Parts database
Капитан Опел Капитан Опел Капитан Опел Капитан Опел Капитан