Булгур (арапски: برغل bourghoul) – храна од жита направена од издробени, провриени зрна различни видови пченица, најчесто дурум (цврста). Потеклото му е од Средниот Исток.
Особини
Булгурот често луѓето го мешаат со бунгурот, дробената пченица, кој за разлика од булгурот не се проварува. Булгурот е вообичаена состојка која се користи во кујните на Блискиот Исток и Средоземјето.
Има лесен, оревест вкус.
Булгурот се разликува во зависност од издробеноста. Може да биде лесно, средно и екстра сомелен. Најквалитетен булгур е оној кој е сомелен до еднолична големина на честичките.
Булгурот е признат како цело зрно од страна на Американското одделение за земјоделство.
Употреба во кујна
Булгурот не изискува готвење, иако може да е дел од готвените јадења. Потребно му е само потопување во вода.
Грубиот булгур се користи за правење готвени јадења, додека средните и фините зрна се користат како житарки за појадок, салати како што се кисир, пилав, леб, како и за десертни пудинзи.
Кашата од булгур е слична на фрумент, испукана пченична каша која била основа на средновековната кујна.
Може да се користи и како додаток на други јадења на ист начин како тестенините или оризот. Некогаш луѓето го мешаат со ориз бидејќи има сличен изглед иако тесктурата е различна.
На Кипар е познат како „пуркури“ и се користи за подготовка на „κούπες“ (кои на кипарски турски се нарекуваат „булгур кофтеси“) и разни видови киба.
Наводи
Категорија:Арапска кујна Категорија:Средоземна кујна Категорија:Сириска кујна Категорија:Зборови што ги нема во ТРМЈ Категорија:Турцизми