Катерина Велика – јувелирно јајце, едно од педесет и четирите велигденски царски Фабержеови јајца, изработени од фирмата Фаберже на Карл Фаберже за руското царско семејство.
Истото ѝ било подарок во 1914 година на царицата-мајка Марија Фјодоровна од нејзиниот син царот Николај II, кој имал отворена нарачка за две велигденски јајца секоја година, едно за неговата мајка и едно за неговата сопруга.
Јајцето го изработил Хенрик Вигстрем, „последниот главен мајстор на Фаберже“. Јајцето било изработено од злато и дијаманти поставено на шепи со канџи презентира панели од емајл обоени во камео стил со минијатурни алегорични сцени од уметностите и науките заснована на францускиот уметник Франсоа Буше.
Во писмото до својата сестра кралицата Александра од Англија, царицата-мајка го опишала јајцето: Тој (Николај II) ми напиша најшармантно писмо и ми подари најубаво велигденско јајце. Фаберже лично ми го донесе. Тоа е право „ремек-дело“ во розов емајл, а во него двајца црнци ја носат столицата во која седи царицата Катерина со мала круна на главата. Го навиваш и црнците одат: неверојатно е убаво и прекрасно дело. Фаберже е најголемиот гениј на нашето време и му реков: Vous êtes un génie incomparable (Вие сте неспоредлив гениј).
Изненадувањето на јајцето, опишано и како „механичка носилка која ја носат двајца црномурести со Катерина Велика која седи во неа, било изгубено.
Тоа е дел од колекцијата Марџори Мериведер Пост во музејот Хилвуд во Вашингтон.
Поврзано Фабержеово јајце
Наводи
Надворешни врски
Catherine the Great Easter Egg at Hillwood Website by Annemiek Wintraecken: Catherine the Great Egg
Категорија:Фабержеови јајца Категорија:Украсна уметност