Christophe Lemaitre () er ein fransk tidlegare friidrettsutøvar som tevla på 100 og 200 meter. Han vann tre gullmedaljar under EM i friidrett 2010 og vart i 2012 europameister på 100 meter for andre gong.
Aktiv I slutten av juli 2010 sprang Lemaitre inn til siger på 100 meter under europameisterskapen i Barcelona. To dagar seinare kneip han også gullmedaljen på 200 m, hårfint framom briten Christian Malcolm. Den 1. august sprang han den andre etappen for det franske vinnarlaget i 4 x 100 m stafett. Fire veker seinare sette han fransk rekord på 100 m då han vart fjerdemann i Rieti-stemnet med tida 9,97 sekund, femtemann i løpet, gambisk-norske Jaysuma Saidy Ndure sette norsk rekord med 10,00.
Sommaren 2011 var Lemaitre i sitt livs beste form. Den 29. juli forbetra han den franske rekorden til 9,92 ved den franske meisterskapen i Albi. I VM-finalen på 200 m i sørkoreanske Daegu den 3. september gjorde han sitt livs beste løp. Med tida 19,80 sikra han seg bronsemedaljen på distansen, Usain Bolt vann på fabelaktige 19,40. Dagen etter fekk Lemaitre og Frankrike sølv i 4 x 100 m stafett. Ved europameisterskapen i Helsinki i juni 2012 forsvarte han EM-tittelen på 100 m, han fekk òg bronse på den korte stafetten. Under dei olympiske leikane i London i august måtte Lemaitre nøye seg med ein ny bronsemedalje i 4 x 100 m stafett.
Også i EM i friidrett 2014 i Zürich enda Lemaitre og Frankrike opp med bronse i 4 x 100 stafett. Derimot klarte Lemaitre å vinne sølvmedaljen på både 100 m og 200 m i meisterskapen. To år seinare gjorde han sitt beste løp på fire år då han i semifinalen på 200 m under Sommar-OL 2016 vart klokka i mål på 20,01 sekund. I finalen sprang han på 20,12 og kneip bronsemedaljen framom briten Adam Gemili som fekk same tid.
Lemaitre deltok i store internasjonale meisterskap til 2019, men var aktiv til 2024.
Medaljar og plasseringar i internasjonale meisterskap EM 2010 i Barcelona: Gullmedalje på 100 m – 10,11, 200 m – 20,37og i 4 x 100 m stafett VM 2011 i Daegu: Bronsemedalje på 200 m – 19,80, nr på 100 m – 10,19. Sølvmedalje i 4 x 100 m stafett EM 2012 i Helsinki: Gullmedalje på 100 m – 10,09, framom Jimmy Vicaut (10,12) og bronsemedalje i 4 x 100 m stafett OL 2012 i London: Nr 6 på 200 m – 20,19, bronsemedalje i 4 x 100 m stafett VM 2013 i Moskva: Nr 7 på 100 m – 10,06 EM 2014 i Zürich: Sølvmedalje på 100 m – 10,13, og 200 m – 20,15. Bronsemedalje i 4 x 100 m stafett VM 2015 i Beijing: Nr 5 i 4 x 100 m stafett OL 2016 i Rio de Janeiro: Bronsemedalje på 200 m – 20,12 VM 2017 i London: Nr 5 i 4 x 100 m stafett
Kjelder Denne artikkelen bygger på «Christophe Lemaitre» frå , den 24. april 2026.
World Athletics
Bakgrunnsstoff
Kategori:Franske sprintarar Kategori:Europameistrar i friidrett for Frankrike Kategori:Olympiske bronsemedaljevinnarar for Frankrike Kategori:Medaljevinnarar under sommar-OL 2012 Kategori:Franske deltakarar under sommar-OL 2012 Kategori:Friidrettsutøvarar under sommar-OL 2012 Kategori:Medaljevinnarar under sommar-OL 2016 Kategori:Franske deltakarar under sommar-OL 2016 Kategori:Friidrettsutøvarar under sommar-OL 2016 Kategori:Deltakarar under VM i friidrett 2009 Kategori:Deltakarar under EM i friidrett 2010 Kategori:Deltakarar under VM i friidrett 2011 Kategori:Deltakarar under EM i friidrett 2012 Kategori:Deltakarar under EM i friidrett 2014 Kategori:Deltakarar under VM i friidrett 2015 Kategori:Deltakarar under VM i friidrett 2017 Kategori:Deltakarar under VM i friidrett 2019