Церуза, cerussa 'бѣла фарба' — пишуча направа, котра за главный пишучый елемент мать тонкый прут твердого, лишаючого сухый слѣд на папѣрьови, материала. В сучасности основов того материала е графит, прут мать цилиндричну форму и диаметер од 0,3 мм до 2 мм. Жебы ся такый тонкый прут крыхкого материала не зломив, загорнутый е до обкладу з дерева. Кедь ся при хоснованю пишучый конець зосуче, дасть ся заострити ножом або шпециалнов стругачков.
Етимология Окрем назвы церуза, очевидно латинской, Русины еще мають назву блайвасДоц. ПгДр. Василь ЯБУР, к. н., ПгДр. Анна ПЛЇШКОВА, ПгД., ПгДр. Кветослава КОПОРОВА. Русиньска лексіка на основі змін у правилах русиньского языка про основны і середні школы з навчалным русиньскым языком і з навчанём русиньского языка (Правописный і ґраматічный словник). Русин і Народны новинкы. Пряшів 2007, с. 20. 'бѣле олово' од нѣмецкого Bleiweiss,Викисловник и ей трансформации клайбасГелена Медєши, Оксана Тимко-Дїтко, Михайло Фейса. Руско-сербски словнїк. Русинско-српски речник. Ред. Юлиян Рамач. Нови Сад, 2010, с. 323. (Войводина), плайбасЛаслов Чопей. Русько-мадярский словарь. У Будапештҍ, 1883, с. 260. (Закарпатска область), а тыж олувокJarosław Horoszczak. Słownik łemkowsko-polski, polsko-łemkowski. Rutenika. Warszawa, 2004. Сс. 107, 290. (Лемковина), послѣдны еще од тых час, як ся еще писало прутками з олова.
Твердость церузы Найважнѣйша характеристика церузы — твердость сердечка: од ней зависить густота тона. 9H 8H 7H 6H 5H 4H 3H 2H H F HB B 2B 3B 4B 5B 6B 7B 8B 9B Найтвердшый→ Середушный→Наймягшый
История церузы Первы графитовы церузы пришли на европску певнину з Англии в року 1680. Первы графитовы пруткы рѣзали ся прямо з добытого графиту, зашто было вельо одпаду и были такы церузы барз дорогы. И тото была една з причин, же еще довго по том, аж до половкы 19. ст. хосновали на писаня и креслѣня прутикы з олова.Tužky. Такы церузы мали лем еден ступѣнь твердости, котрый одповѣдав днешному 9B, циже давав красну чорну линию.
В року 1795 Француз Никола-Жак Конте вынайшов нову технологию, котра ся хоснуе доднесь и робить церузы цѣново доступными: сердечко церузы приготавлять ся из мѣшанкы графитового пороха з доданьом 30-50% пороха пластичной глины.Карандаш. З того замѣсить ся з водов тѣсто, з него ся вытискнуть сердечка, котры ся раз высушать, а пак еще ся запечуть. Векша пропорция глины и векша теплота запѣканя застачить векшу твердость сердечка и свѣтлѣйшый тон слѣда.
Жерела и одказы Tužky. //Ottův slovník naučný. Illustrovaná encyklopaedie obecných vědomostí. Díl 1–28. Vyd. J. Otto. V Praze, 1888–1909. Том 25, сс. 950-951. Карандаш. //Энциклопедический словарь Брокгауза и Ефрона, т. XIV (1895): Калака — Кардам, сс. 448—449.
Референции