Бери-бери, од beri слабость — хворотный стан, причиненый недостаточностьов витамина B1 (тиамину) в организмѣ. Хворота росширена в Южной и Восточной Азии. Засягуе нервну и кардио-васкуларну системы.Прохоров А. М., с. 129.
Типы и симптомы Общы симптомы суть утрата апетиту, бездячность, порухы травлѣня, чутя затерпнутя и слабости в удах. При сухой бери-бери наставать поступна дегенерация нервох, раз в ногах, а пак и в руках, атрофия мускулох и утрата рефлексох. При вогкой бери-бери, што е острѣйша форма наростать запухнутость од надбытку течи в тканях, котра веде до слабой циркулации и наконець смерти од сердцьовой недостаточности. У годят, котрых плекають матери, што мають дефицит тиамину може настати нагло прогресуюча поруха сердця. Кедь е засягнута нервова система, штруктурны ошкоджѣня ей бунок в серьозных припадах можуть быти ненавратны.Beriberi, disease. Причины Хворота ся розвивать при тырвалом недоживлѣню витаминами групы B, главнѣ B1(примарна B-авитаминоза). Секундарна B1-авитаминоза, котра мать не так зъявны симптомы, наставать в припадах:Бери-бери. нарушеной абсорбции витаминох групы B в черевах; надмѣрной их спотребѣ организмом; ускореном их роскладѣ в организмѣ.
Ризиковы факторы Тяжа або лактация, алкоголизм, хроничны хвороты тонкых черев, переход на нормалне костованя по голодованю.
Лѣчѣня Постельовый режим, великы давкы витамина B1 тай иншых зоз групы B, страва, богата на бѣлковины.
См. тыж Авитаминоза Гиповитаминоза
Жерела и одказы Прохоров А. М. (гл. ред.). Большой энциклопедический словарь. Москва: Советская энциклопедия, 1993. 1630 с. . Beriberi, disease. //Encyclopaedia Britannica. Бери-бери. //Краткая медицинская энциклопедия.
Референции
Катеґорія:Хвороты з несправной выживы