Бѣла Тиса — горска рѣка в Закарпатской области Украины, лѣвый суток Тисы (базен Дуная).
Опис За выток Бѣлой Тисы поважують суток горскых рѣчок Балзатул и Стоговець на югозападных убочах масиву Чорногора, надморска вышка 800 м. Долина рѣкы V-подобна, ширина корыта 15–20 м; суть порогы и быстрины.
Бѣла Тиса зливать ся з Чорнов на сѣверной околици Рахова Устерѣкы в надморской вышцѣ 460 м, творячи зачаток Тисы. Спад рѣкы 13 м/км.
Живлѣня мѣшане, переважать дождьове. Замерзаня зачинать ся в конци новембра, але замерзать рѣка рѣдко. Очищать ся од леду в фебруарѣ – марцу. Гидрологичы посты суть около сел Лугы и Ростокы. На окремых усѣках корыто Бѣлой Тисы укрѣплене. Рѣка служить на водозастачаня и рыбарство.
История дефиниции вытока Бѣлой Тисы 50-ы рокы XX. стороча На 19-м километрѣ од устя Бѣла Тиса приимать правый приток — рѣку Говерла, котра мать свой выток о еден километр на юговосток од вершины Говерлы в пасмѣ Чорногора в надморской вышцѣ 1824 м. В том же сутоку приимать яко лѣвый приток рѣку Стоговець, котра мать выток в Мармарошскых Верхах. З тых двох рѣк важнѣйша ся поважовала Говерла, так же твердило ся, же «Бѣла Тиса зачинать ся в Чорногорѣ» и ей довжка 33,5 км (Говерла зарахована як ей часть).Анучин В. А., с. 29. В каталогу рѣк Украины (1957) зачаток Бѣлой Тисы быв дефинованый яко суток на 19-м километрѣ Говерлы и Стоговця, так же довжка Бѣлой Тисы была лем 19 км. 90-ы рокы XX. стороча Подля новой дефиниции Бѣла Тиса зачинаться сутоком Балзатула и Стоговця, ей довжка 26 км (+7 км — оддалѣня меджи тыма двома сутоками). О тоты 7 км уменшила ся довжка Стоговця, а окрем того уже вытокы Бѣлой Тисы належало гледати в Мармарошскых Верхах.
Найновшы мѣряня В року 2000 експедиция Сегедского научного товаришства и Карпатскый биосферный заповѣдник, озброены найновшов апаратуров вымѣряли, же выток Стоговця находить ся высше, як то думали дотеперь, в надморской вышцѣ над 1400 м под верхом Стог.A Fehér-Tisza eredete, forráshelye Было тыж вымѣряно, же основный приток е Стоговець подля его протока, так же Балзатул ся мать поважовати за приток Стоговця, што мимоходом, зазначено и в каталогу рѣчок еще в року 1957.Каталог річок України (1957), с. 17. В мѣстѣ найденого вытоку замонтовали памятну таблу з двоязычным текстом. В далшых експедициях провели точны вымѣры и мапованя. Координаты вытоку Бѣлой Тисы ( точнѣйше: Стоговця) суть , надморска вышка 1484 м.Выток Бѣлой Тисы (найновшы мѣряня).
Жерела и одказы Dr. Jiří Král: Podkarpatská Rus. V Praze, nákladem vlastním, 1924. Анучин В. А.: География советского Закарпатья. — М.: Географгиз, 1956. — 296 с. Кирилюк М. І.: Біла Тиса. //Географічна енциклопедія України: В 3-х т. Редкол.: О. М. Маринич (відп. ред.) та ін.— К. «Українська енциклопедія» ім. М. П. Бажана, 1989—1993. Т. 1: А—Ж.— 416 с: С. 94. Швець Г.І., Дрозд Н.І., Левченко С.П. Каталог річок України. — Видавництво АН УРСР. Київ, 1957. — 192 с. A Fehér-Tisza eredete, forráshelye Выток Бѣлой Тисы (найновшы мѣряня). 2009.07.07 (ФОТО)
Референции
Катеґорія:Рікы Европы Катеґорія:Рікы Україны Катеґорія:Рікы подля алфавиту