Бостонска сирупова потопа стала ся 15. януара 1919 в Норт-Енду, недалеко од Бостона, штат Массачузетс (днесь то район города). Выбухнув величезный контайнер з меласов и велика габа меласы люнула по улицях зо скоростьов 56 км/год, забивши 21 особу и ранивши 150.
Потопа В тот день были люде в сѣверной околици Бостона выстрашены незвычайным гукотом. Зоз страхом видѣли як ся роспадать пятьштоковый контайнер, з котрого ся пустила волна меласы, на пять метры высока, а на 50 метры широка. Зо скоростьов 56 км/год перешла через два обываны блокы, забераючи вшитко на пути. В той катастрофѣ загынув 21 чоловѣк, 150 были ранены, а шкоды на маетку перевысшили сто милионы днешных америцкых доларох. Властници контайнера твердили, же тото анархисты подминовали контайнер на протест против америцкой влады. В реалности контайнер быв наскоро сконштруованый и быв перетяженый. По даколько роках властник контайнера быв вызнаный винным и мусѣв вынагородити вшиткы шкоды. January 15, 1919 / Great Molasses Flood.
Наслѣдкы
Первыма на мѣсто катастрофы прибѣгли 116 кадеты з канонерского корабля USS Nantucket, Массачузетской мореплавной академии. За нима полиция, Червеный крест, еще иншы матрозы. Захранцѣ глядали людей меджи руинами еще четыри днѣ. Дакотры жертвы были знесены потоком в Бостонскый залив, и нашли их аж по трьох-четырьох мѣсяцях.Anarchists, Horses, Heroes: 12 Things You Didn’t Know about the Great Boston Molasses Flood
Одмываня и спораеня заломох пожадало роботу 300–400 людей и забрало даколько тыждни.
Судовый спор мѣстных обывательох з компаниов Америцкый промысловый алкогол (USIA) тяг ся за три рокы и складовав ся зоз 125 окремых процесох. В доходжѣню было установлено, а судом вызнано, же причинов катастрофы были инженерны хыбы конштрукции контайнера, слабый материал, недодержаня правил контролы и експлоатации. Компания наконець выплатила $628 000 одшкодного (еквивалент $9,08 млн в року 2018), а родины загыблых достали по $7 000 ($101 000 в року 2018) за каждого загыблого.
Жерела и одказы Puleo, Stephen, "Dark Tide: The Great Boston Molasses Flood of 1919", page 98. Beacon Press, 2004, 21 фото Anarchists, Horses, Heroes: 12 Things You Didn’t Know about the Great Boston Molasses Flood January 15, 1919 / Great Molasses Flood //Mass Moments project.
Референции
Катеґорія:Екологичны катастрофы