Тере́бля — рѣка в Украинѣ, в Межгорском, Хустском и Тячовском районах Закарпатской области.Кирилюк М. І.: Теребля. Вливать ся до Тисы на 872-м километрѣ од ей устя (Дунай в Новом Садѣ).
Опис Теребля зачинать ся сутоком потока Ростока и Слободянской Рѣкы, котры беруть зачаток зоз жерел на южных убочах Горган. Довжка рѣкы 91 км. Долина рѣкы до села Забродь V-подобна, ширины 10–850 м, ниже мать форму трапеции ширинов 1,3–3,5 км. Корыто кривулясте, в горном и середном току порожисте, часто росконарене, творить много островох; недалеко од устя дѣлить ся на два рамена. Ширина корыта 15–20 м, найвекша 54 м. Живлѣня мѣшане з перевагов дождьового. Характерна ярна повѣнь, але и заливы в иншы поры року. Середный рочный проток воды 12,7 м3/с (гидрологичный пункт Колочава). Пониже проток воды силно овплывненый Теребле-Рѣцкым водоемом, з якого вода одберать ся про водну електрарню на рѣцѣ Рѣка. Теребля доставать сток з озера Синевир. Ледостав нестойкый, в яри даколи ставать ся турлаш.
Господарскый вызнам Рѣка служить на водозастачаня, але главнѣ про гидроенергетику (Теребле-Рѣцка гидроелектрарня). Про ей гладкый ход од року 1951 фунгуе гидрологичный постерунок при Колочавѣ, а в горном току Тереблѣ (на рѣцѣ Слобода) выбудованый регулачный водоем.
Притокы Тереблѣ Найвекшы (довжкы 10 км и веце) притокы суть Назва притока Приток Од устя Тереблѣ, км Довжка притока, км Слобода+) правый 71 10 Озерянка лѣвый 63 18 Сухарь лѣвый 59 14 Велика Уголина (Уголька) лѣвый 18 27 +) подля погляду окремых географох Слобода е основным током Тереблѣ, котрый в том усѣку исторично несе иншу, локалну назву.
Алтернативны погляды на выток Тереблѣ мадярскый Подля мадярскых географох зачатку XX. стороча Теребля е правым притоком Тисы, мать довжку 90 км, зачинать ся на вододѣлном гребеню под верхом Вышковскый Горган (1443 м) (bingmap), на сѣвер од Синевирской Поляны.Révai nagy lexikona, том 17, с. 815. Подля днешных представ поток, вытѣкаючый спод Вышковского Горгана не може ся поважовати за главный ток, понеже его проток значно меншый од протока Слободы в их сутоку. чешскый Теребля зачинать ся под верхом Струнга (1180 м н.м.) (bingmap) в Тячовском районѣ,Не поплести з ровноименным верхом в Раховскых горах. а во своем горном току называть ся Слобода.Dr. Jiří Král, с. 26.Подля назвы ровноименного села, через котре протѣкать, наступны села тоту рѣку знають под назвов Теребля. Тото е зазначене ай на добовой военской мапѣ.Чешска военска мапа: Země Podkarpatská. Zeměpisný ústav M.N.O., л. 4571 Volové IV. MCMXXXVI (1936). совѣтскый Теребля бере зачаток на Вододѣлном гребеню Карпат. Роздѣл высот меджи вытоком и устьом 960 м. Анучин В. А., с. 36. Тото непрямо потвержуе чешску верзию, понеже надморска вышка Тереблѣ в устю чинить 193 м н. м.
Жерела и одказы Dr. Jiří Král: Podkarpatská Rus. V Praze, nákladem vlastním, 1924. Révai nagy lexikona. 1-21. köt. Révai Testvérek Irodalmi Intézet Részvénytársaság, Budapest. 1911–1935. Анучин В. А.: География советского Закарпатья. — М.: Географгиз, 1956. — 296 с. Кирилюк М. І.: Теребля. //Географічна енциклопедія України: В 3-х т. Редкол.: О. М. Маринич (відп. ред.) та ін.— К. «Українська енциклопедія» ім. М. П. Бажана, 1989—1993. Т. 3: П—Я.— 480 с: С. 275. Швець Г.І., Дрозд Н.І., Левченко С.П. Каталог річок України. — Видавництво АН УРСР. Київ, 1957. — 192 с.
Референции
Катеґорія:Рікы Европы Катеґорія:Рікы Україны Катеґорія:Рікы подля алфавиту