Буковець — село в бывшом Межгорском районѣ (од року 2020 — Хустском) Закарпатской области Украины, центер сельской рады.Тронько П., с. 372.
Полога Лежить во зворѣ меджи сѣверныма выбѣжками полонины Боржава о 25 км од районного центра ай о 23 км од желѣзничной штации Воловець.
История Мадярска добаПерва упоминка в жерелах походить з року 1463 под назвов Bukvecz, котра переважно во формѣ Bukovecz екзистовала до року 1910, коли при цѣлоштатном упорядкованю достало назву Bükköspatak (1910).Sebestyén Zsolt, с. 33 – 34. Чехословацка добаВ року 1925 вернули стару назву села: Bukovec Буковець. В року 1930 Буковець мав 788 обывательох, а то: Русины — 730, Евреи —51, Нѣмцѣ — 1, Чехы и Словаци — 1, чужоземцѣ — 5. Конфесийны громады: грекокатолици — 466, православны — 267. Грекокатолицка деревяна церква Введжѣня Пресвятой Богородицѣ была высвячена в року 1808. Была русинска школа (2 класы).Достал Я., с. 62. Друга мадярска добаКоли створила ся сполочна границя Мадярщины з УССР, 36 хлопцьох и дѣвок з Буковця нелегално утѣкли до УССР и трафили до совѣтскых працовных лагрох. 17 з них пак воевали в чехословацком войску генерала Свободы. Украинска доба12. октобра 1944 з приходом Червеной армады зачала ся украинска доба истории села, 20 хлопох были взяты до совѣтского войска. За рокы 1944 – 1969 были збудованы восямрочна школа, клуб, библиотека.
Днешность Сельска радаБуковецька сільська рада90021, Закарпатська обл., Міжгірський р-н,с. Буковець, 201тел. +3803146 2-91-59Ку Буковецкой сельской радѣ належать еще село Поток.
Жерела и одказы Sebestyén Zsolt: Máramaros megye helységneveinek etimológiai szótára. Bessenyei könyvkiadó. Nyíregyháza, 2012. Достал, Ярослав. Підкарпатська Русь (Закарпаття періоду Чехословацької республіки: 1919–1938). Ужгород, «Карпати», 2014. Тронько П. и др. (ред.) Історія міст і сіл України. Том 7. Закарпатська область. К. 1969.
Референции
Катеґорія:Населены пункты Закарпатской области Катеґорія:Населены пункты Украины