«Послідньый динь літа» () — польська романтична кінодрама режисера Тадеуша Конвицького по ёго же сценаріёви, здойнята у 1958. році. У нёму зыграли Ян Махульськый и Ирена Лясковська.https://ru.kinorium.com/49031/
Сӱжет Дійства у філмови проходять у послідньый динь літа на пустыннӱм балтійськӱм пляжови. Геройӱв всёго двоє, молодый чоловік и зріла жона; они єдинокі, за их плечами травмувучі спомины за войну. Лиш у переддинь удъїзда чоловік удважив ся пудыйти ид жоні за котрыв позерав бігом усёго вікенда.https://ru.kinorium.com/49031/
Актеры
Ян Махульськый Ирена Лясковська
Критика «Послідньый динь літа» став дебӱтныв картинов Тадеуша Конвицького — ид 1958. рокови изнамого писатиля и літературного консултанта штудії «Кадр Філм» Вӱн быв здойнятый за скромну суму у 10 000 злотых из участёв усёго двох актерӱв. У Польши картину прияли доста стыдко, айбо завто она одержала главный приз Венеційського кінофестівала у номінації документалных и куртомийтражных філмӱв и Ґран-прі за експерименталный філм Брӱсселського миженародного фестівала. Пак польські критикы переникали своє удношіня ид філмови. У 1974. році вӱн дӱстав Премію любитильӱв кіно Samowar ге ліпшый філм ид 30. рӱчови Польської Народної Републікы, а у цілому роботы Конвицького стали частёв канона польського кіно.
За думков Ч. А. Мілвертона из америцького часописа Film Quarterly, «Послідньый динь літа» «докус не шедевр, айбо исе май узначна фабуларна картина польської кіношколы, што уйшла на екранах» у ЗША. Пол Рота у рецензії про британськыц часопис Sight & Sound назвав роботу Конвицького «зааершеным філмом» из «економіёв штіла и вміста тай єдночасно из векшынов важных елементӱв». Польськый теоретик и історик кіно Тадеуш Любельськый раховав, ож «Послідньый динь літа» — «аванґардный філм нової габы». За думков Анджея Яхимчика из Millenium Film Journal, «Послідньый динь літа» — єден из май важных польськых філмӱв пооктовбрової добы.
Америцькый режисер Мартін Скорцезе відів исе кіно єдным из шедеврӱв польського кінематоґрафа тай у 2014. році убрав го на презентацію у ЗША и Канаді на фестівалови польського кіна Scorsese Presents: Masterpieces of Polish Cinema.
Удкликованя
Катеґорія:Психолоґічні філмы