Михаил Парлаг,М. Алмашій подавать призвиско як Паллаг. * 21. новембра 1899, Лохово, жупа Берег, Австро-Мадярщина (днесь Мукачовскый район) – †17. новембра 1992, Мукачово, Украина — народный учитель од поволаня, сполоченскый и културно-просвѣтный активиста на Подкарпатской Руси.Михайло Алмашій, сс. 194–195.Иван Поп, с. 294.Людвиг Филип.
Биография Школы Выштудовав Мукачовску гимназию и записав ся на Мукачовску учительску семинарию. З послѣдного рочника семинарии быв мобилизованый до австро-мадярского войска в року 1918, а в року 1919, в переддень роспада Австро-мадярской империи дезертовав.
Културно-просвѣтна робота Ищи в штудентскых роках спознав ся зоз Тивадаром Легоцкым, а в року 1930 — зоз секретарьом Лева Толстого Валентином Булгаковом. В року 1919 школный реферат новой чехословацкой влады вызнав его учительску квалификацию и послав го учительом до села Пистрялово Мукачовского округа, а од року 1921 перемѣщеный быв до села Буковець найхудобнѣйшого Воловецкого округа, де в тоты часы, подля его дньовника, «пановала бѣда, голод, а взимѣ и холод». Молодый учитель через Червеный Крест домог ся, обы голодуючы дѣти и сироты войны достали ѣстиво, шатя и топанкы. Учив и их родительох, селян, а то не лем читати и писати, але и лѣпшым способам газдованя.
В селѣ фунговав дом-читалня, дыховый орхестер и драматичный кружок.
Руськый Народный Дом В року 1926 в Буковци з его инициативы селяне выбудовали первый на Верховинѣ Руськый Народный Дом (културной организации общества А. Духновича зоз централов в Ужгородѣ), але в року 1930 тот деревяный дом згорѣв. Намѣсто нього выставили новый, мурованый.
Кооперация Парлаг яко лѣпшый учитель округа быв менованый куратором округа и предсѣдником рады 10 сел Жденьовской долины. Селян научив, як створити кооперативы, подля его рады сполом куповали аграрну технику, засобы зерна на припад неуроды.
Педагогична карьера В роках 1928 – 1938 быв иншпектором школ Свалявского округа, од року 1938 директор школы в Голубином и учитель в Свалявѣ. Од року 1940 – штатистик в Мукачовском школном иншпекторатѣ.
В часѣ войны быв мобилизованый до мадярского войска, але быв лем на писарской службѣ в границях державы. Ту стрѣтив ся з мобилизованым Федором Потушняком и, яко писарь, помог му представити ся незнаючым мадярскый язык и неученым, про што не быв посланый на фронт.Василь Пагиря, сс. 141–143.
В добѣ УССР быв директором Росвиговской семирочной школы, пак од року 1945 в Мукачовском окружном оддѣлѣ народной освѣты быв иншпектором дошколных установ округа, а од 18. апрѣля 1946 — иншпектором школ.
Послѣдны рокы В часѣ русинской оброды наперек годному вѣку припоив ся ку русинскому руху, старав ся рештаврациев памятника Александру Митраку на Росвиговском теметовѣ. Земный живот опустив 17. новембра 1992 в Мукачовѣ, не доживши два дны до свого 93-лѣтя.
Литературна творба и фолклористика В часѣ учительства на Верховинѣ зберав спѣванковый фолклор и вышивкы, штудовав технику вышиваня и колекционовав вышиты сорочкы, ручникы, обрусы. Лишив по собѣ описы народных обрядох, сохташа села Буковець и опис сельской свадбы.
В периодичной пресѣ публиковав курты литературны описы о животѣ и обычаях Русинох, написаны в романтичном духу, проникнути жальом за заникаючов минулостьов.Михаил Парлаг.
Жерела и одказы Михайло Алмашій: Русинська педагогічна енциклопедія — Ужгород: Карпатська Вежа, 2005. — 304 с. Василь Пагиря: Я світ узрів під Бескидом. Сторінки історії — Ужгород: Карпати, 1993 — 227 с. Иван Поп: Энциклопедия Подкарпатской Руси — Ужгород: Изд-во В.Падяка, 2001. — 431 с.
Референции
Катеґорія:Русиньскы педаґоґы Катеґорія:Русиньскы фолклорісты Катеґорія:Русиньскы писателї