Копривка () — род од околу 60–70 видови на листопадни дрва од семејството на конопите (Cannabaceae). Распространет е низ целиот свет.
Во Македонија се присутни три вида: јужната копривка (C. australis), како природна реткост се јавува во Охрид под името охридскиот кочеџик, жолтоплодната копривка (C. tournefortii) и голата копривка (C. glabrata). Последно споменатата е многу ретка.
Опис Дрвата од овој род се со среден раст и достигнуваат 10-25 м, а ретко до 40 м. Листовите се наизменични, прости, долги 3-15 м и јајчесто-зашилени по облик, со рамномерно назабени работи.
Малите цветови на ова еднодомно растение излегуваат рано напролет додека се развиваат листовите. Машките цветови се подолги и влакнести. Женските цветови се злееникави и позаоблени.
Плодот е мала костелка со пречник од 6-10 мм. Многу видови се јадат и се сувкасти, но слатки, нешто како урми.
Таксономија Родот копривка порано бил дел од семејството на брестовите (Ulmaceae) или одделно семејство копривки (Celtidaceae). Системот APG III ги ставил во проширеното семејство на конопите (Cannabaceae).
Филогенија Членовите на овој род се присутни во фосилните наоди почнувајќи од миоцен во Европа и палеоценот во Северна Америка и источна Азија.MacPhail, M. K., N. F. Alley, E. M. Truswell and I. R. K. Sluiter (1994). "Early Tertiary vegetation: evidence from spores and pollen." History of the Australian Vegetation: Cretaceous to Recent. Ed. Robert S. Hill. Cambridge University Press. стр. 189–261. .Partially available on Google Books.Manchester, S. R., Akhmetiev, M. A., & Kodrul, T. M. (2002). Leaves and fruits of Celtis aspera (Newberry) comb. nov. (Celtidaceae) from the Paleocene of North America and eastern Asia. International Journal of Plant Sciences, 163(5), 725-736.
Видови По податок од јули 2024 г. базата Plants of the World Online ги прифаќа следниве 68 видови: мини|десно|Грст машки цветови на африканска копривка (C. africana), со четири околуцветни ливчиња и четири прашници. мини|десно|Охридскиот кочеџик, јужна копривка прогласена за природна реткост, засадена во спомен на св. Методиј.
Отстранети од родот Trema cannabina (како C. amboinensis ) Trema lamarckianum (како C. lamarckiana ) Trema orientalis (како C. guineensis or C. orientalis ) Trema tomentosa (како C. aspera or C. tomentosa )
Распространетост и живеалишта Родот е распространет ширум умерените и тропските краишта во светото, на сите континенти освен Антрарктикот.
Екологија Некои видови како американската (C. occidentalis) и бразилската копривка (C. brasiliensis) се медоносни растенија, спореден извор на полен за пчелите. Со листовите се хранат и гасениците на извесни пеперутки. Тука спаѓаат многу шаренци, од кои се одвојува коприварчето (Libythea celtis) и некои преливки (Apaturinae). На дрвата расте и столпчестата габа Perenniporia celtis
Употреба Неколку видови се садат как украсни дрва, ценети заради нивната сушоотпорност. Редовно се среќаваат во арборетуми и ботанички градини, особено во Северна Америка. Кинеската копривка (C. sinensis) е погодна за бонсаи; еден примерок до Дегу-мјон е прогласен за споменик на природата на Јужна Кореја.
Плодовите се јадливи кога ќе узреат и паднат. Плодовите на американската копривка бил храна за тамошните домородни народи.
Дрвото на копривката понекогаш се користи во столарството и дрводелството.
Галерија
Наводи
Надворешни врски
Категорија:Конопи Категорија:Растенија за бонсаи